جامبىل وبلىسىنىڭ باس مەملەكەتتىك سانيتاريالىق دارىگەرىنىڭ «كارانتيندىك شەكتەۋ شارالارى جانە ولاردى كەزەڭ-كەزەڭىمەن جەڭىلدەتۋ تۋرالى» قاۋلىسىنا سايكەس 27 مامىردان باستاپ وڭىردە كارانتيندىك شەكتەۋ شارالارى كەزەڭ-كەزەڭىمەن جەڭىلدەتىلەتىن بولادى, دەپ حابارلايدى Egemen.kz.
اتالعان قۇجاتتا تاراز قالاسىن قوسپاعاندا, وبلىس اۋماعىنداعى الەۋمەتتىك-ەكونوميكالىق نىسانداردىڭ قىزمەتىن شەكتەۋ «جاسىل» ايماق ولشەمشارتتارى نەگىزىندە قابىلداناتىنى تۋرالى ايتىلعان.
اتاپ ايتقاندا, ونەركاسىپ, قۇرىلىس, اۋىل جانە بالىق, مال شارۋاشىلىعى نىساندارى, بايلانىس قىزمەتتەرى, تۋريستىك كومپانيالار, بيزنەس ورتالىقتارى, گۇل دۇكەندەرى, فوتوسالوندار, مۋزەيلەر مەن كىتاپحانالار, ازىق-ت ۇلىك دۇكەندەرى, شاعىن ماركەتتەردىڭ جۇمىسىنا تولىق رۇقسات بەرىلدى.
سول سەكىلدى ستريت-فۋد, مونشالار, اشىق اۋاداعى اتتراكتسيوندار, سۋپەرماركەتتەر, گيپەرماركەتتەر, مەديتسينالىق ۇيىمدار, ءدارىحانالاردىڭ دا قىزمەتىنە رۇقسات ەتىلىپ وتىر.
ال, تۇنگى جانە ويىن كلۋبتارىنا, كاراوكە-بارلاردىڭ جۇمىسىنا شەكتەۋ ساقتالاتىن بولدى. سونىمەن قاتار ويىن-ساۋىق, بۇقارالىق ءىس-شارالار, كونفەرەنتسيالار, فورۋمدار, وتباسىلىق, ەستەلىك ءىس-شارالار وتكىزۋگە دە تىيىم سالىنعان.
«ەسكەرەتىن جاعداي, جاڭا قاۋلىدا ۇيىمدار, وفيستەر قىزمەتكەرلەرىن COVID-19-عا قارسى ۆاكتسيناتسيالاۋ جۇرگىزىلگەن جاعدايدا قىزمەتىن قاشىقتىقتان جانە كۇندىزگى جۇمىس فورماتىندا جۇمىس ىستەيتىن قىزمەتكەرلەردىڭ پايىزدىق ارا قاتىناسى جونىندەگى تالاپتاردى ەسكەرمەي جۇزەگە اسىرادى. بۇل رەتتە سوڭعى 6 اي ىشىندە COVID-19-عا قارسى ۆاكتسيناتسيالاۋدىڭ تولىق كۋرسىن العان جانە COVID-19 ىندەتىمەن اۋىرىپ جازىلعان بارلىق قىزمەتكەرلەردىڭ كۇندىزگى رەجيمدە جۇمىس ىستەۋىنە رۇقسات بەرىلەدى», دەلىنگەن قاۋلىدا.
اتالعان قاۋلى 2021 جىلعى 27 مامىردا ساعات 00:00-دە كۇشىنە ەنەتىن بولادى.