ماۋسىم-قىركۇيەك اراسىندا COVID-19 جۇقتىرۋشىلار سانى 95 مىڭعا جەتۋى مۇمكىن. دەنساۋلىق ساقتاۋ ءمينيسترى الەكسەي تسوي جاز ايلارىندا جاعدايدىڭ قانشالىقتى ۋشىعۋى مۇمكىن ەكەنىن اتادى, دەپ حابارلايدى Egemen.kz.
ءمينيستردىڭ ايتۋىنشا, ۆاكتسينانى حالىقتىڭ 60 پايىزى عانا سالدىرسا, جاعداي وسىعان اكەلەدى.
ال ناقتى كورسەتكىشتەرگە قاراساق, جازدىڭ ءۇش ايىندا ەل تۇرعىندارىنىڭ شامامەن 80 پايىزى ۆاكتسينا سالدىرۋى كەرەك. بۇل جاعدايدا ۆيرۋس جۇقتىرۋشىلار سانى بولجامدى تۇردە 70 مىڭعا تاياپ قالادى. ەگەر حالىقتىڭ ۆاكتسينا سالدىرۋ كورسەتكىشى ءتىپتى ارتىپ 95 پايىزى سالدىرىپ ۇلگەرسە, جازعى ءۇش ايدا 61 مىڭ ادام عانا جۇقتىرۋى مۇمكىن دەيدى مينيستر. بىراق مۇنىڭ ءبارى حالىقتىڭ بەلسەندىلىگىنە بايلانىستى.
«ەلىمىزدە 3 ميلليونداي دوزا ۆاكتسينا سالىنعان. ونىڭ 2 ميلليوننان استامى ءبىرىنشى بولىگى بولسا, ءبىر ميلليونعا جۋىعى – ەكىنشى بولىگىن سالدىرعاندار. وسى كۇندەرى بۇكىل ەكپە سالۋ ورىندارىندا ۆاكتسينانىڭ ءبىرىنشى بولىگىنەن 320 مىڭ, ەكىنشى بولىگىنەن 650 مىڭ دوزا دايىن تۇر. بۇل جەتكىلىكتى», دەيدى مينيستر.