بۇگىن بەلگىسىز بىرەۋلەردىڭ جارىلعىش زات قويىلعانى تۋرالى ءبىلىم بەرۋ مەكەمەلەرىنىڭ ەلەكتروندى پوشتالارىنا حات جولداعانى تۋرالى پوليتسيانىڭ «102» ارناسىنا بىرنەشە شاقىرتۋ كەلىپ تۇسكەن, دەپ حابارلايدى Egemen.kz نۇر-سۇلتان قالالىق پد ءباسپاسوز قىزمەتىنە سىلتەمە جاساپ.
قازىرگى كەزدە مەكتەپتەردىڭ اۋماعىنان ادامداردى كوشىرۋ اياقتالدى. جارىلعىش زات تابىلعان جوق. اتالعان فاكت بويىنشا سوتقا دەيىنگى تەرگەپ تەكسەرۋ باستالدى.
جەدەل-ىزدەستىرۋ ءىس-شارالارى جۇرگىزىلۋدە. نۇر-سۇلتان قالاسىنىڭ پوليتسيا دەپارتامەنتى جارىلعىش زات قويىلعانى تۋرالى قاساقانا جالعان حابارلاما ءۇشىن قىلمىستىق جاۋاپكەرشىلىك قاراستىرىلعانىن ەسكەرتەدى.
ازاماتتاردان دۇربەلەڭ تۋدىرماۋدى جانە مەسسەندجەرلەردە جالعان حابارلامانى تاراتپاۋدى سۇرايدى.