قىتايدىڭ سولتۇستىك-باتىسىندا تاۋلى اۋماقتا ءوتىپ جاتقان ۋلترامارافون بارىسىندا اۋا رايى كۇرت وزگەرىپ, داۋىل تۇرىپ, ارتىنان بۇرشاقتى جاۋىن جاۋعان. سونىڭ سالدارىنان 16 ادام قازا تاۋىپ, تاعى 5-ەۋى اۋرۋحاناعا جەتكىزىلگەن, دەپ حابارلايدى Egemen.kz BAQ.KZ سايتىنا سىلتەمە جاساپ.
Xinhua اگەنتتىگىنىڭ مالىمەتىنشە, سەنبى كۇنى تۇسكى ساعات 13.00 شاماسىندا اۋا رايى كۇرت وزگەرىپ, نايزاعاي ويناپ بۇرشاقتى جاڭبىر جاۋعان. 100 كم-گە جۇگىرۋ مارافونى تاڭەرتەڭ باين قالاسى ماڭىندا باستاۋ العان. الايدا اۋا رايىنىڭ قولايسىزدىعىنا بايلانىستى جارىس توقتاتىلعان. قۇتقارۋ جۇمىسىنا 700-گە جۋىق ادام جۇمىلدىرىلعان, ولار 151 ادامدى قاۋىپسىز جەرگە كوشىرىپتى. سونداي-اق 16 ادامنىڭ دەنەسىن تاپقان.
قازىر مارافونعا قاتىسۋشىلاردىڭ بارلىعى قاۋىپسىز جەرگە جەتكىزىلگەن, ونىڭ ىشىندە بەس ادام اۋرۋحاناعا تۇسكەن.