21 جۇكتى ايەلگە جۇرگىزىلگەن كوروناۆيرۋسقا قارسى ۆاكتسينانى زەرتتەۋ بارىسىندا اۋىر اسقىنۋ جاعدايلارى ورىن العان جوق. بۇل تۋرالى گامالەيا اتىنداعى ەپيدەميولوگيا جانە ميكروبيولوگيا عىلىمي ورتالىعى مالىمدەدى, دەپ حابارلايدى Egemen.kz.
وسىعان بايلانىستى, جۇكتى ايەلدەردى COVID-19 پرەپاراتىمەن ۆاكتسيناتسيالاۋ مۇمكىندىگى تۋرالى ماسەلەنى قاراستىرۋعا باسىمدىق بەرىلۋدە. سەبەبى جۇكتىلىك كەزىندەگى اۋرۋ اۋىر اعىمنىڭ جوعارى قاۋپىن تۋدىرادى.
سونىمەن قاتار ورتالىق عالىمدارى جۇكتى ايەلدەردە ۆاكتسينانى قولدانۋ قاۋىپسىزدىگىن باعالاۋ ءۇشىن سۇتقورەكتىلەرگە قوسىمشا كلينيكاعا دەيىنگى زەرتتەۋلەر جۇرگىزدى. جۇكتىلىك كەزىندە ۆاكتسينا العان جانۋارلار تولدەدى. جاڭا تۋعان جانۋارلاردى تەكسەرۋ ناتيجەسىندە پاتولوگيالىق وزگەرىستەر انىقتالعان جوق. گامالەيا اتىنداعى عىلىمي ورتالىقتىڭ ديرەكتورى الەكساندر گينتسبۋرگ «سپۋتنيك V» ۆاكتسيناسىن قابىلداعانداردان الىنعان سارىسۋ سovid-19 ۆيرۋسىنىڭ ءارتۇرلى گەنەتيكالىق وزگەرتىلگەن شتامدارىنا تيىمدىلىگى بويىنشا زەرتتەلەتىنىن جەتكىزدى. زەرتتەۋ جۇمىستارى يتالياداعى جەتەكشى ەۋروپالىق ميكروبيولوگيا جانە پۋلمونولوگيا ينستيتۋتىندا وتەدى دەپ جوسپارلانۋدا.
گينتسبۋرگتىڭ ايتۋىنشا, بۇل جاڭا شتامداردىڭ پايدا بولۋىنا بايلانىستى كوروناۆيرۋسقا قارسى ۆاكتسيناتسيا مەرزىمىنە تۇزەتۋلەر ەنگىزۋگە قاتىستى سۇراققا عىلىمي جاۋاپ بولادى.