جوعارى ەۋرازيالىق ەكونوميكالىق كەڭەس وتىرىسىندا مەملەكەت باسشىسى قاسىم-جومارت توقاەۆ «باتىس ەۋروپا – باتىس قىتاي» بۇكىل ەۋرازيالىق ەكونوميكالىق وداق اۋماعىندا رەكونسترۋكتسياسىن اياقتاۋ قاجەتتىگىن ايتتى, دەپ حابارلايدى Egemen.kz.
«ناۋرىز ايىندا سۋەتس كانالىندا بولعان وقيعا ساۋدا جولدارىنىڭ وسالدىعىن جانە الەمدىك ساۋداعا قالاي اسەر ەتەتىنىن كورسەتتى. اتالعان جايت قۇرلىقتاعى مارشرۋتتاردىڭ ماڭىزدىلىعىن دالەلدەدى. ەۋرازيا ەلدەرى وزدەرىنىڭ ترانسپورتتىق الەۋەتىن تولىعىمەن ىسكە اسىرۋى كەرەك. ترانسشەكارالىق ۋچاسكەلەر مەن ترانسپورتتىق كۇرە جولداردى ۇدەمەلى جاڭعىرتۋدى قايتالاپ ۇسىنامىن. اتاپ ايتقاندا, «باتىس ەۋروپا – باتىس قىتاي» بۇكىل ەۋرازيالىق ەكونوميكالىق وداق اۋماعىندا رەكونسترۋكتسياسىن اياقتاۋ قاجەت», دەدى پرەزيدەنت.