الداعى ءۇش كۇندە قازاقستاننىڭ بارلىق بولىگى جوعارى اتموسفەرالىق قىسىم اسەرىندە بولىپ, جاۋىن-شاشىنسىز اۋا رايى ساقتالادى. بۇل تۋرالى Egemen.kz قازگيدرومەتكە سىلتەمە جاساپ حابارلايدى.
تەك شىعىس قازاقستان وبلىسىندا عانا بيىكتىكتەگى جىلعانىڭ اسەرىنەن 22 مامىر كۇنى ازداعان جاۋىن-شاشىن مەن تۇندە قاتقاق ساقتالادى. يران اۋداندارىنان جىلى جانە قۇرعاق اۋا ماسسالارى بەلسەندى جىلجىپ, ولارمەن بىرگە ەلىمىزدە اۋا تەمپەراتۋراسىنىڭ بىرتىندەپ جوعارىلاۋى, ءتىپتى قاتتى ىستىق كۇن رايى كۇتىلىپ وتىر.
24 مامىر كۇنى كۇندىز تەرمومەتر باعاناسى 30-38 گرادۋس ىستىقتى كورسەتەدى, ەلىمىزدىڭ وڭتۇستىك-شىعىس, شىعىس جانە ورتالىق بولىگىندە كۇن 25-35 گرادۋسقا دەيىن ىسيدى.
رەسپۋبليكانىڭ جەكەلەگەن اۋداندارىندا جەل كۇشەيۋى ىقتيمال, ال وڭتۇستىك ايماقتاردا شاڭدى داۋىل سوعادى.