رەسەي قازاقستاندىقتارعا رف ازاماتتىعى بار تۋىستارىنا قۇرلىق ارقىلى كەلۋگە رۇقسات بەردى, دەپ حابارلايدى Egemen.kz.
رەسەي فەدەراتسياسى ۇكىمەتىنىڭ 18.05.2021 جىلعى №1291-ر وكىمىنە سايكەس, قازاقستاندىقتاردىڭ رەسەيگە كەلۋى ءۇشىن رەسەي ازاماتتىعى بار جاقىن تۋىستارىنىڭ ءتىزىمى كەڭەيتىلدى. ەندى قازاقستان ازاماتتارى تۋىستىق قاتىناسىن راستايتىن قۇجاتتارى بولسا, ءوزىنىڭ رف ازاماتتىعى بار جۇبايلارىنا, اتا-انالارىنا, بالالارىنا عانا ەمەس, سونىمەن بىرگە تۋعان اعالارى, اپكەلەرى, اجەلەرى, اتالارى, نەمەرەلەرىنە دە قۇرلىق ارقىلى كەلە الادى.