وبلىستىق توتەنشە جاعدايلار دەپارتامەنتى ءباسپاسوز قىزمەتىنىڭ اقپاراتىنا قاراعاندا, 19 مامىردا ءتۇس مەزگىلىندە تەڭىز جاعالاۋىنداعى قامىستىڭ ورتەنگەنى انىقتالعان, دەپ حابارلايدى Egemen.kz.
«تەڭىز جاعالاۋىنداعى قامىس ءورتىن بارلاۋ ءۇشىن ساعات 16:00-دە «كازاۆياقۇتقارۋ» اق باتىس وڭىرلىك فيليالىنىڭ «مي-8 متۆ» تىكۇشاعىمەن اۋەدەن بارلاۋ جۇرگىزىلدى. بارلاۋ كەزىندە كەڭوزەك اۋىلدىق وكرۋگىنە قاراستى تاسقالا اۋىلىنان شامامەن 40 شاقىرىم قاشىقتا, كاسپي تەڭىزىنىڭ جاعالاۋىنداعى قامىستىڭ ورتەنگەنى انىقتالدى. تەڭىز جاعالاۋىنداعى باتپاقتى جەردە شامامەن 32 گەكتاراۋماقتىڭ قۇرعاق ءشوبى مەن قامىس جانعان. سونداي-اق, 10,6 گەكتار اۋماقتاعى 5 ء ورت وشاعى انىقتالىپ, تىكۇشاقپەن اۋەدەن بىرنەشە رەت سۋ توگىلدى», دەپ حابارلادى دەپارتامەنتتىڭ ءباسپاسوز قىزمەتى.
قازىر قامىس ءورتىنىڭ تارالماۋىن قاداعالاۋ ءۇشىن 2 ءورت ءسوندىرۋ اۆتوكولىگىمەن كەزەكشىلىك ۇيىمداستىرىلىپ وتىر. ال, ەرتەڭ 20 مامىردا ءورتتى سوندىرۋگە ارنايى ماماندار مەن تەحنيكالار جۇمىلدىرىلادى.