تەڭىز كەنىشىندەگى مەردىگەرلىك كومپانيا قىزىق جايتقا تاپ بولدى. سەبەبى كولىكتەردىڭ استىنا قۇستار ۇيا سالىپتى. سوعان بايلانىستى كومپانيا باسشىلارى ۇيا تابىلعان كولىكتەردى 14 كۇنگە توقتاتۋعا ۇيعارىم جاسادى.
– تۇراقتا تۇرعان ءۇش كولىكتىڭ استىنان قۇستىڭ ءۇش ۇياسى تابىلدى. كومپانيانىڭ بيوالۋانتۇرلىلىكتى باسقارۋ جوباسىنا سايكەس ورنيتولوگ تەكسەرۋ جۇرگىزدى. ءبىر ۇيادا ينكۋباتسيانىڭ بەلسەندى ساتىسى بارى انىقتالدى. كولىكتەر بالاپاندار قاناتتانىپ, ۇيادان ۇشىپ كەتكەنگە دەيىن جۇمىسقا قوسىلمايدى. بۇعان كەم دەگەندە 14 كۇن قاجەت, – دەپ ءمالىم ەتتى «تەڭىزشەۆرويل» كومپانياسىنىڭ ءباسپاسوز قىزمەتى. ەندى ورنيتولوگ قۇس ۇياسىن جۇمىرتقا باسۋ اياقتالعانشا اپتا سايىن تەكسەرەدى. ەكى ۇيادان قۇس جۇمىرتقاسى تابىلعان جوق.
اتىراۋ وبلىسى