بۇگىن ءوڭىر ورتالىعىنداعى «اتىراۋ» سپورت كەشەنىندە قازاقستان رەسپۋبليكاسىنىڭ بوكستان V جاستار سپورتتىق ويىندارى باستالدى.
ءتورت جىلدا ءبىر وتەتىن سپورتتىق سايىسقا 400-گە جۋىق جاس بىلعارى قولعاپ شەبەرى باق سىناۋعا كىرىستى. بوكسشىلار 11 سالماقتا سىنعا تۇسەدى. جەڭىمپازدار 23 مامىردا انىقتالادى.
«تاۋەلسىزدىك العاننان بەرى سپورتشىلارىمىزدىڭ سپورتتىڭ ءار تۇرىنەن بايراقتى باسەكەلەردە توپ جارىپ, ەل ابىرويىن اسقاقتاتىپ جۇرگەنىنە كۋا بولىپ كەلەمىز. ەگەمەن قازاقستانىمىزدىڭ رۋحى بيىك, ەرىك-جىگەرى مىقتى, دەنى ساۋ جاس ۇرپاعىن تاربيەلەۋدە مۇنداي سپورتتىق شارانىڭ ماڭىزى زور» دەدى وبلىس اكىمىنىڭ ورىنباسارى باقىتگۇل حامەنوۆا.