ۆينسەنت ۆان گوگتىڭ (1853-1890) «ترەنكتاەداعى كوپىر» كارتيناسى بەيسەنبى كۇنى نيۋ-يوركتىڭ Christie's ءباسساۋداسىندا 39,2 ملن دوللارعا ساتىلدى, دەپ حابارلايدى Egemen.kz.
گوللانديانىڭ يمپرەسسيونيست سۋرەتشىسى ۆان گوگ بۇل كارتينانى 1888 جىلى سالعان. لوتتىڭ قۇنى 34 ملن دوللاردى قۇراعان. الايدا كارتينانىڭ جاڭا يەسىنە بارلىق قوسىمشا تولەمدەردى ەسەپتەگەندە, جالپى 39,29 ملن دوللار تولەۋىنە تۋرا كەلەدى. ۆان گوگ 2100-دەن استام تۋىندىنىڭ اۆتورى, سونىڭ ىشىندە 860-قا جۋىق كارتينا مايلى بوياۋمەن سالىنعان. ولاردىڭ اراسىندا پورترەتتەر, اۆتوپورترەتتەر, ءتۇرلى پەيزاجدار مەن ناتيۋرمورتتار بار.
اۋكتسيون ۇيىمداستىرۋشىلارى ۆان گوگ بۇل كارتينانى ءوز شىعارماشىلىعىنىڭ ەڭ جەمىستى كەزەڭدەرىنىڭ بىرىندە سالعانىن ايتادى.