سينوپتيكتەر 14 مامىرعا ارنالعان اۋا رايى بولجامىن جاريالادى, دەپ حابارلايدى Egemen.kz.
«سولتۇستىك-باتىس انتيتسيكلونى اسەرىنەن قازاقستان تەرريتورياسىنىڭ باسىم بولىگىندە جاۋىن-شاشىنسىز اۋا رايى بولادى. تەك رەسپۋبليكانىڭ سولتۇستىك, شىعىس جانە وڭتۇستىك-شىعىسىندا اتموسفەرالىق فرونتالدى بولىكتەردىڭ وتۋىمەن كەي جەرلەردە جاڭبىر جاۋىپ, نايزاعاي بولادى. رەسپۋبليكانىڭ كەي جەرلەرىندە جەل كۇشەيىپ, وڭتۇستىكتە شاڭدى داۋىل, سولتۇستىكتە – تۇمان تۇسەدى, شىعىستا بۇرشاق جاۋى ىقتيمال», دەلىنگەن حابارلامادا.
تۇركىستان وبلىسىندا شاڭدى داۋىل سوعادى, جەل ەكپىنى 15-20 م/س جەتەدى.
قىزىلوردا وبلىسىندا دا كۇندىز جەل كۇشەيىپ, شاڭدى داۋىل سوعادى.
الماتى, جامبىل, پاۆلودار, شىعىس قازاقستان, كۇندىز قاراعاندى وبلىستارىندا جەل 15-20 م/س كۇشەيەدى. شىعىس قازاقستان وبلىسىنىڭ كەي جەرلەرىندە بۇرشاق جاۋى مۇمكىن.
سولتۇستىك قازاقستان وبلىسىندا تۇمان تۇسەدى.
قىزىلوردا وبلىسىنىڭ جانە الماتى وبلىسىنىڭ جەكەلەگەن اۋداندارىندا وتە جوعارى ءورت قاۋپى ساقتالادى