2021 جىلدىڭ ءساۋىر-مامىر ايلارىندا 7 موتوتسيكل جۇرگىزۋشىسى ماس كۇيىندە كولىك باسقارعانى ءۇشىن جۇرگىزۋشى كۋالىگىنەن ايىرىلدى, دەپ حابارلايدى Egemen.kz رavlodarnews.kz سايتىنا سىلتەمە جاساپ.
وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, كۇن جىلىنا سالىسىمەن قالا ىشىندە موتوتسيكل جۇرگىزەتىندەردىڭ سانى كوبەيگەن. موتوتسيكل وقىس وقيعا كەزىندە جاراقات الۋ قاۋىپى جوعارى كولىكتەردىڭ قاتارىنا جاتادى. ساعاتىنا 10-20 كم جىلدامدىقپەن كەلە جاتىپ قۇلاعاننىڭ وزىندە جۇرگىزۋشى قاتتى زارداپ شەگۋى مۇمكىن.
- ماسەلەن, پاۆلودار قالاسىندا پاترۋلدىك پوليتسيا باتالونىنىڭ ينسپەكتورلارى پاترۋلدەۋ كەزىندە موتوتسيكل جۇرگىزۋشىسى ۇستالدى. ساراپتاما ناتيجەلەرى ونىڭ كولىكتى ماس كۇيىندە باسقارعانىن كورسەتتى. اتالعان فاكتىگە قاتىستى قازاقستان رەسپۋبليكاسى اقبتك 608-بابى بويىنشا اكىمشىلىك حاتتاما تولتىرىلدى. ءتارتىپ بۇزۋشى 7 جىل مەرزىمگە جۇرگىزۋشى كۋالىگىنەن ايىرىلدى, سونداي-اق 15 تاۋلىككە اكىمشىلىك قاماۋعا الىندى, - دەدى پوليتسيا دەپارتامەنتى باستىعىنىڭ ءبىرىنشى ورىنباسارى جاسقايرات قايىروۆ.