بۇل تۋرالى ەلباسىنىڭ ءباسپاسوز حاتشىسى ايدوس ۇكىباي twitter-دەگى پاراقشاسىندا جازدى.
نۇرسۇلتان نازارباەۆ «Farab» كىتاپحاناسىنىڭ تسيفرلىق ءوندىرىس زەرتحاناسى جۇمىسىنىڭ ناتيجەلەرىمەن تانىستى, سونداي-اق سيرەك كىتاپتار مەن مانۋسكريپت (كونە زامانعى قولجازبا) زالىن ارالاپ كوردى.
«كىتاپحانا باسقارۋشى كومپانياعا بەرىلگەن. وندا الاڭسىز كىتاپ وقۋعا, ءوز-ءوزىن دامىتۋعا مۇمكىندىك مول. وقىرماندار ءۇشىن كىتاپ وقۋ تەگىن. بالالار بۇل جەردە وزدەرىن جان-جاقتى دامىتا الادى. «Farab كىتاپحاناسى» تۋريستىك ورتالىقتا ورنالاسقان. اتا-انالار وسى ارالىقتا بالالارىن كىتاپحاناداعى قىزمەتكەرلەرگە الاڭسىز قالدىرا الادى. ولارعا اقىلى تۇردە وتە جوعارى دەڭگەيدە قىزمەت تۇرلەرى كورسەتىلەدى», دەدى كىتاپحانانىڭ ديرەكتورى ايكو توكەن.
ايتا كەتەيىك, وبلىستىق عىلىمي-امبەباپ «Farab» كىتاپحاناسىندا 480 مىڭنان استام كىتاپ قورى بار.