وزدەرىنىڭ ايتۋلارىنا قاراعاندا بيىل مەكتەپ بىتىرگەن ءتورت اۋعانستان ازاماتى قازاقستان شەكاراسىن وزبەكستانداعى بەلگىلەنبەگەن جەردەن بۇزىپ وتكەن. سوندىقتان ولاردىڭ قازاقستان اۋماعىندا تۇرۋعا ەشقانداي رۇقساتى بولماعان. الايدا پەتروپاۆلدا پاتەر جالداپ تۇرعان. پاتەردىڭ ساقتالۋىن تەكسەرمەككە كەلگەن ءۇي يەسى قازاقشا دا, ورىسشا دا بىلمەيتىن جىگىتتەردەن كۇدىك الىپ, پوليتسياعا حابارلاعان.
تەكسەرۋگە كەلگەن پوليتسيا جاس جىگىتتەردىڭ زاڭسىز تۇرىپ كەلگەنىن انىقتاعان. كوشى-قون قىزمەتىنىڭ قىزمەتكەرلەرى جينالعان ماتەريالداردى پەتروپاۆل قالاسىنىڭ پب انىقتاۋ بولىمىنە تاپسىردى. اتالعان فاكتى قىلمىستىق كودەكستىڭ - «قازاقستان رەسپۋبليكاسىنىڭ مەملەكەتتiك شەكاراسىن قاساقانا زاڭسىز كەسىپ ءوتۋ» بابى بويىنشا سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىنە ەنگىزىلدى.
«نە قازاق, نە ورىس تىلدەرىن بىلمەيدى, ءبىز اۋدارماشى ارقىلى تىلدەستىك. ايتۋلارىنا قاراعاندا ولار مەكتەپتى جۋىردا اياقتاعان. ءوز ەلدەرىندە بولاشاقتارىنىڭ جارقىن بولارىنا كۇماندانعان جاستار باتىس ەۋروپاعا جەتىپ, بوسقىندار مارتەبەسىن الۋدى كوزدەگەن. قازىرگى ۋاقىتتا شەتەلدىكتەردىڭ قر اۋماعىندا زاڭسىز بولۋلارىنىڭ ءمان-جايلارى انىقتالۋدا», دەپ حابارلادى پەتروپاۆل قالاسى پب اب باستىعى, پوليتسيا مايورى داۋرەن نىعمەتوۆ.