ۇوس ارداگەرى نيكيتا سەمەنوۆ جەڭىستىڭ 76 جىلدىعى جانە وتان قورعاۋشىلار كۇنى قارساڭىندا پد مۇراجايىنىڭ قابىرعاسىندا جاس پوليتسيا وفيتسەرلەرىمەن كەزدەستى, دەپ حابارلايدى Egemen.kz.
مايدانگەر نيكيتا سەمەنوۆ ءوزىنىڭ ەستەلىكتەرىمەن بۇگىنگى پوليتسيا قىزمەتكەرلەرىنىڭ جاس بۋىنىمەن ءبولىستى. سوعىستا نيكيتا گەراسيموۆيچ مەرگەن بولعان, ال بەيبىت ومىردە 20 جىلدان استام ۋاقىتىن ميليتسيادا قىزمەت ەتۋگە ارناعان. سقو پد باستىعىنىڭ ورىنباسارى, پوليتسيا پولكوۆنيگى قاپەز داۋلەتباەۆ اتاپ وتكەنىندەي بۇل شىن مانىندە ەرەكشە كەزدەسۋ بولدى.ءىس-شارا بارىسىندا سقو پد مادەنيەت ورتالىعى اسكەري تاقىرىپتاعى اندەر شىرقادى. شاقىرىلعان قوناقتارعا سىيلىقتار تابىس ەتىلدى. «ەرلىك ساباعى» پوليتسيا دەپارتامەنتى مۇراجايىنىڭ كينوزالىندا, سوعىستان كەيىن سولدات شينەلىن ميليتسيانىڭ پوگوندارىنا اۋىستىرعان, ۇلى وتان سوعىسىنىڭ سولتۇستىك قازاقستان ارداگەرلەرى تۋرالى ءفيلمىنىڭ كورسەتىلىمىمەن اياقتالدى.
جەڭىس كۇنى جىلداعى ءداستۇر بويىنشا مايدانگەرلەردى سولتۇستىك قازاقستان وبلىسى پوليتسيا دەپارتامەنتىنىڭ باستىعى, پوليتسيا گەنەرال-مايورى مارات تولەباەۆ ءوزى بارىپ قۇتتىقتايدى.