پرەمەر-ليگاعا ورالعان «اتىراۋ» فۋتبول كومانداسىنا ەكىنشى رەت ايىپپۇل سالىندى, دەپ حابارلايدى Egemen.kz.
ەلىمىزدە كوروناۆيرۋس ينفەكتسياسىنا بايلانىستى سپورتتىق جارىستار جانكۇيەرسىز ءوتىپ كەلەدى. الايدا, 2 مامىردا مۇنايلى ءوڭىر كومانداسىنىڭ «كاسپي» كومانداسىمەن كەزدەسۋىندە ستاديونعا جانكۇيەرلەر جينالعان. فۋتبولدان ەل بىرىنشىلىگىنىڭ ءىح تۋرى اياسىنداعى بۇل كەزدەسۋ اتىراۋدا وتكەن ەدى.
«تارتىپتىك رەگلامەنتتىڭ 66-بابىنا سايكەس «اتىراۋ» فك-عا 200 اەك مولشەرىندە ايىپپۇل سالىنسىن. بۇل 583 400 (بەس ءجۇز سەكسەن ءۇش مىڭ ءتورت ءجۇز) تەڭگەنى قۇرايدى. «اتىراۋ» فۋتبول كلۋبى 2021 جىلدىڭ 4 ماۋسىمىنا دەيىن ايىپپۇل تولەسىن» دەلىنگەن قازاقستان فۋتبول فەدەراتسياسىنىڭ اقپاراتىندا.