ءبىلىم جانە عىلىم مينيسترلىگى ۇلتتىق عىلىمي-پراكتيكالىق دەنە تاربيەسى ورتالىعىنىڭ ۇيىمداستىرۋىمەن وتكەن ۇلتتىق مەكتەپ ليگاسى اياسىندا ۆولەيبولدان «شۇبار دوپ» جارىسىنىڭ جەڭىمپازدارى انىقتالدى.
ەلوردادا ۇيىمداستىرىلعان ءدۇبىرلى دوداعا رەسپۋبليكالىق ماڭىزى بار ءۇش قالا مەن 14 وبلىستىڭ وقۋشىلارى قاتىستى. ەرلەر اراسىنداعى (9-11 سىنىپتار) ۆولەيبولدان «شۇبار دوپ» جارىسىندا شىمكەنت قالاسىنىڭ №71 ورتا مەكتەپ كومانداسىنا تەڭ كەلەر قارسىلاس تابىلمادى. مەرەيلى ەكىنشى ورىندى تۇركىستان وبلىسى سوزاق اۋدانىنداعى كەڭەسباەۆ جالپى ورتا مەكتەبى يەلەنسە, ءۇشىنشى ورىن نۇر-سۇلتان قالاسى ج.جاباەۆ اتىنداعى №4 مەكتەپ-گيمنازياسىنا بۇيىردى.
قىزدار اراسىنداعى (9-11 سىنىپ) دوپ جارىسىندا تۇركىستان وبلىسى №18 ج.ەدىلباەۆ اتىنداعى ورتا مەكتەبىنىڭ كومانداسى جەڭىمپاز اتاندى. ەكىنشى ورىندى پاۆلودار وبلىسى №12 ورتا مەكتەبى, ءۇشىنشى ورىندى ماڭعىستاۋ وبلىسى مۇنايلى اۋدانى №2 ورتا مەكتەبىنىڭ وقۋشىلارى يەلەندى. ۇلتتىق مەكتەپ ليگاسى ەل تاۋەلسىزدىگىنىڭ 30 جىلدىق مەرەيتويىنا وراي ۇيىمداستىرىلدى.