قوستاناي وبلىسىندا پنەۆماتيكالىق مىلتىقتان ەكى قىز جاراقات الدى. پوليتسەيلەر وق اتقان كۇدىكتىنى انىقتادى, ول 15 جاستاعى ءجاسوسپىرىم بولىپ شىقتى, دەپ حابارلايدى Egemen.kz اlau.kz سايتىنا سىلتەمە جاساپ.
وقيعا 3 ساۋىردە بولعان. 17 جانە 25 جاستاعى قالا تۇرعىندارى بىلەك جانە جامباس تۇسىنداعى جاراقاتپەن اۋرۋحانانىڭ قابىلداۋ بولىمىنە جەتكىزىلگەن. تەرگەۋ بارىسىندا قىزداردىڭ ماياسوۆا كوشەسىندە جاراقاتتانعانى انىقتالدى. ولارعا العاشقى مەديتسينالىق كومەك كورسەتىلدى.
پوليتسيا وق اتقان كۇدىكتى رەتىندە 15 جاستاعى ءجاسوسپىرىمدى انىقتاعان. ونىڭ ۇيىنەن اكەسىنە تيەسىلى پنەۆماتيكالىق مىلتىق تاركىلەنگەن.
قازىرگى ۋاقىتتا قر قك-ءنىڭ 107-بابى «دەنساۋلىققا قاساقانا ورتاشا زيان كەلتىرۋ» بويىنشا سوتقا دەيىنگى تەرگەۋ جۇرگىزىلىپ جاتىر.