1 ساۋىردەن باستاپ «ۇلتتىق اقپاراتتىق تەحنولوگيالار» اق يندۋستريا جانە ينفراقۇرىلىمدىق دامۋ مينيسترلىگىمەن جانە تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىمەن بىرلەسىپ, ەل اۋماعىندا «كولىك قۇرالدارىنىڭ ەلەكتروندى پاسپورتى» ۇلتتىق جۇيەسىن ىسكە قوستى.
ەلەكتروندى قۇجات مەنشىك يەسىنىڭ قالاۋى بويىنشا جاڭا جانە سىرتتان اكەلىنگەن جانە تىركەلگەن اۆتوكولىكتەرگە راسىمدەلەتىن بولادى. وسى كولىك قۇرالدارىن تسيفرلاندىرۋ ونىڭ ومىرلىك تسيكلىن ەلىمىزدە عانا ەمەس, ەۋرازيالىق ەكونوميكالىق وداق اۋماعىندا دا قاداعالاۋعا مۇمكىندىك بەرمەك.
ەلەكتروندى پاسپورتتاردا كولىك قۇرالىنىڭ تەحنيكالىق سيپاتتاماسى, مەنشىك يەسى جونىندە ماعلۇماتتار, تىركەۋ تۋرالى, الىمدى كادەگە جاراتۋ تولەمدەرى جانە كەدەندىك شەكتەۋلەر مەن كەدەندىك تازارتۋ جونىندە, سونداي-اق تەحنيكالىق بايقاۋدان وتكەنى جايىنداعى مالىمەتتەر بولادى.
«ۇلتتىق اقپاراتتىق تەحنولوگيالار» اق باسقارما توراعاسى روستيسلاۆ كونياشكيننىڭ ايتۋىنشا, تسيفرلى قۇجات كولىك قۇرالدارىن ساتۋداعى الاياقتىق جاعدايلار سانىن ازايتادى. وسىلايشا, قازىرگى جانە بولاشاق اۆتوكولىك يەلەرى اراسىنداعى مامىلەنىڭ قاۋىپسىزدىگى مەن اشىقتىعىن قامتاماسىز ەتەدى.
– ەاەو ورتالىق بازاسىندا تەكسەرۋ ەسەبىنەن قايتالاناتىن VIN كودتاردى انىقتاۋ مۇمكىندىگى پايدا بولادى. بۇل حالىقتى پروبلەمالى اۆتوموبيلدەردى ساتىپ الۋدان ساقتاندىرۋعا مۇمكىندىك بەرەدى, – دەپ اتاپ ءوتتى ول.
ءاۆتوموبيلدى پايدالانۋ كەزىندە كولىك قۇرالىنىڭ پاسپورتى وزەكتى كۇيدە بولادى جانە كەز كەلگەن وزگەرىستەر جۇيەمەن قاداعالانباق. كولىك قۇرالى تۋرالى شىنايى اقپاراتتىڭ بولۋى ەاەو قاتىسۋشى ەلدەردىڭ بۇكىل اۋماعىندا ءاۆتوموبيلدى ساتۋ نەمەسە ساتىپ الۋ پروتسەسىن نەعۇرلىم قاۋىپسىز ەتەدى. ايتا كەتەر جايت, جوبا ەاەو ەلدەرى قول قويعان كولىك قۇرالى پاسپورتىنىڭ بىرىڭعاي نىساندارىن ەنگىزۋ تۋرالى كەلىسىمدى ىسكە اسىرۋ شەڭبەرىندە جۇزەگە اسىرىلدى.