ورال قالاسىنىڭ ورتالىق مادەني دەمالىس ساياباعىنداعى بالالارعا ارنالعان اتتراكتسيونداردىڭ بىرىندە وقىس جاعداي بولىپ, 8 بالا ءتۇرلى دارەجەدە جاراقات الدى. ولاردىڭ ءبارى وبلىستىق بالالار اۋرۋحاناسىنا جەتكىزىلدى, دەپ حابارلايدى Egemen.kz
وقىس وقيعا 2 مامىر, جەكسەنبى كۇنى كەشكى ساعات 19:36-دا بولعان. كۋاگەرلەردىڭ ايتۋىنشا, بالالاردى وتىرعىزىپ, شىر كوبەلەك اينالدىرىپ جاتقان اتتراكتسيونداردىڭ ءبىرى كۇتپەگەن جەردەن كىلت توقتاپ قالىپ, اتكەنشەكتەر ءبىر-بىرىمەن سوعىلىسقان. وبلىستىق دەنساۋلىق ساقتاۋ باسقارماسى ءباسپاسوز قىزمەتىنىڭ حابارلاۋىنشا, 8 بالا جاراقات العان.
2014 جىلى تۋعان قىز بالانىڭ سول جاق تىزەسى جىرىلعان; 2016 جىلى تۋعان ەر بالانىڭ جابىق باس-مي جاراقاتى, ميى شايقالعان; 2012 جىلى تۋعان ەر بالانىڭ جابىق باس-مي جاراقاتى, ميى شايقالعان; 2013 جىلى تۋعان ەر بالانىڭ جابىق باس-مي جاراقاتى, ميى شايقالعان;. 2011 جىلى تۋعان ەر بالانىڭ جابىق باس-مي جاراقاتى, ميى شايقالعان, سول جاق تىزەسىن ىسىپ كەتكەن; 2012 جىلى تۋعان قىز بالانىڭ جابىق باس-مي جاراقاتى, ميى شايقالعان, قاراقۇسى ءىسىپ كەتكەن; 2013 جىلى تۋعان قىز بالانىڭ جابىق باس-مي جاراقاتى, ميى شايقالعان; 2012 جىلى تۋعان ەر بالانىڭ جابىق باس-مي جاراقاتى, ميى شايقالعان, قاراقۇسى ءىسىپ كەتكەن;وبلىستىق دەنساۋلىق ساقتاۋ باسقارماسى ءباسپاسوز حاتشىسى ساۋلە زاعيدۋللينانىڭ ايتۋىنشا, بالالاردىڭ جاراقاتى اۋىر ەمەس. قازىر پوليتسيا بولعان وقيعانىڭ ءمان-جايىن تەكسەرىپ جاتىر.
باتىس قازاقستان