وسكەمەن قالاسىندا كەشە جوعالىپ كەتكەن 14 جاستاعى ءجاسوسپىرىم ىزدەستىرىلىپ جاتىر, دەپ حابارلايدى Egemen.kz
«30 ءساۋىر كۇنى كەشكى 18:00 شاماسىندا 2007 جىلى تۋعان رۋستام سلەمباەۆ ۇيىنەن شىعىپ كەتكەن. سودان بەرى قايتىپ ورالماعان», دەدى پوليتسيا وكىلدەرى.
ءتارتىپ ساقشىلارى ءجاسوسپىرىمدى ادامدار سوڭعى رەت كراسين اۋىلىندا كورگەنىن ايتتى. رۋستام سلەمباەۆتىڭ بەلگىلەرى: بويى 150-160 سانتيمەتر, ارىقشا كەلگەن, سارى, شاشى قىسقا, كوزى كوك, ەرنى تومپاق, بەتىندە تىرتىق بار. سونداي-اق, ۇستىندە سۇر جەلبەگەي, بەيسبول قالپاقشاسى مەن قارا سۇر ءتۇستى سپورتتىق كوستيۋم بولعان. اق-كوك ءتۇستى ۆەلوسيپەدپەن شىققان.