مەملەكەت باسشىسى قاسىم-جومارت توقاەۆ «قازاقستاننىڭ 100 جاڭا ەسىمى» جوباسىنىڭ جەڭىمپازدارىن قۇتتىقتاپ, ولاردىڭ ءوز دارىنىمەن كوپشىلىكتى مويىنداتا بىلگەنىن, مەملەكەتىمىزدى وركەندەتۋگە ايرىقشا ۇلەس قوسىپ كەلە جاتقانىن ايتتى, دەپ حابارلايدى Egemen.kz
«قازاقستاننىڭ 100 جاڭا ەسىمى» جوباسىندا ورتاسىنان وزا شاۋىپ, ەرەن شىققانداردىڭ لەگى كوپ بولدى. سولاردىڭ قاتارىندا «قوعام» ساناتىندا قازاقستان قارۋلى كۇشتەرىنىڭ تۇڭعىش اسكەري ۇشقىش-يسترەبيتەلى اردانا بوتاي ەرەكشە كوزگە ءتۇستى. سەبەبى اردانا بالاۋسا شاعىنان باستاپ اسكەري ۇشقىش بولۋدى ارمانداعان. بۇگىندە ارۋ قىزىمىز اۆياتسيالىق ەسكادريلياداعى جويعىشتىڭ اعا ۇشقىشى بولىپ قىزمەت اتقارادى. سونداي-اق ول «سۋ-30سم» جاڭا بۋىن جويعىشىمەن اۋەگە كوتەرىلىپ, ۇشىپ ءجۇر.
ال جوباداعى «عىلىم مەن يننوۆاتسيا» ساناتىندا توپ جارعان جاس ينجەنەر سانجار تايجان انگليادا جەر-جاھانعا ايگىلى Jaguar جانە Mclaren سياقتى الپاۋىت كومپانيالارمەن جۇمىس ىستەدى. ول كونكۋرسقا قاتىسقان 30 ستۋدەنتتەن تۇراتىن كوماندانى قۇرىپ, ميللياردەر يلون ماسكتىڭ Not-A-Boring Competition بايقاۋىنىڭ فينالىنا وتكەن ەدى. ەندى جاس بۋىن يلون Mask-تىڭ كومپانياسىندا ومىرشەڭدەگىن كورسەتىپ كەلە جاتقان ءۇش جوبانى قولعا العان.