قازاقستاندا كۇن قايتا سۋىتادى

ەلىمىزدىڭ باسىم بولىگىندە اتموسفەرالىق فرونتالدى بولىكتەردىڭ وتۋىمەن اۋا-رايىنىڭ تۇراقسىز سيپاتى ساقتالادى. رەسپۋبليكامىزدىڭ كەي جەرلەرىندە جاڭبىر جاۋىپ, نايزاعاي ويناسا, باتىس وڭىرلەردە جاۋىن-شاشىنسىز, كەرىسىنشە اۋا تەمپەراتۋراسى كوتەرىلەدى.

ەلدىڭ ورتالىعىندا, شىعىسىندا جانە وڭتۇستىك-شىعىسىندا قاتتى جاڭبىردىڭ سوڭى بۇرشاققا ۇلاسىپ, نايزاعاي ويناۋى مۇمكىن.

تۇركىستان وبلىسىندا تاڭەرتەڭ جانە كۇندىز كەي جەرلەردە شاڭدى داۋىل, جەل ەكپىنى 15-20, كەي جەرلەردە 25م\س كۇشەيەدى.

سولتۇستىك قازاقستان وبلىسىندا تۇندە جانە تاڭەرتەڭ تۇمان كۇتىلەدى, جەل ەكپىنى 23م\س بولادى.

قىزىلوردا, قوستاناي, قاراعاندى, شىعىس قازاقستان جانە الماتى مەن جامبىل وبلىستارىنىڭ كەي جەرلەرىندە جەل كۇشەيىپ, بۇرشاق ارالاس جاڭبىر جاۋى مۇمكىن.

پاۆلودار وبلىسىندا تۇندە تۇمان بولادى.

نۇر-سۇلتاندا كوشپەلى بۇلت شىعادى, جاۋىن-شاشىنسىز. 

الماتىدا دا كۇن الا بۇلتتى, جاڭبىر جاۋىپ, كۇن كۇركىرەيدى. 

شىمكەنتتە كوشپەلى بۇلت شىعادى, كۇندىز وتكىنشى جاڭبىر جاۋىپ, نايزاعاي ويناۋى مۇمكىن. سولتۇستىك-باتىستان سوعاتىن جەل ەكپىنى 15-20 م\س.