ءمامس جۇيەسى ەنگىزىلگەلى بەرى مەديتسينالىق قىزمەت تۇرلەرى بارشاعا قولجەتىمدى بولدى, دەپ حابارلايدى Egemen.kz.
ء«مامس جۇيەسى ەنگىزىلگەلى بەرى تۇرعىندار تاراپىنان سۇرانىسقا يە كت, مرت, جوعارى تەحنولوگيالىق مەديتسينالىق قىزمەتتەر, كونسۋلتاتسيالىق-دياگنوستيكالىق قىزمەتتەر, ت.ب. (پاتسيەنتتىڭ اقىسىز تەكسەرىلۋى, ەمدەلۋى, دارىگەر مەن بەيىندى ماماننىڭ كەڭەسى, كونسۋلتاتسيالىق-دياگنوستيكالىق قىزمەتتەر, وقالتۋ قىزمەتتەر, ت.ب.) مەديتسينالىق قىزمەت تۇرلەرىن بارلىق ازاماتتاردىڭ الۋ مۇمكىندىگى ارتتى.
سول سەكىلدى ەەگ مونيتورينگتەن دە ءمامس اياسىندا جولداما ارقىلى تەگىن تەكسەرۋدەن وتۋگە بولادى. بۇنى 1000-عا جۋىق پاتسيەنت ءمامس اياسىندا ەەگ مونيتورينگ – تەكسەرۋدەن تەگىن وتكەن «جانۇيا» جەكەمەنشىك كلينيكاسى مىسالىنان كورۋگە بولادى» - دەيدى الەۋمەتتىك مەديتسينالىق ساقتاندىرۋ قورىنىڭ نۇر-سۇلتان قالاسى بويىنشا فيليالىنىڭ ءباسپاسوز قىزمەتى.
بارىمىزگە بەلگىلى, 2020 جىلعى 1 قاڭتاردان مىندەتتى الەۋمەتتىك مەديتسينالىق ساقتاندىرۋ ء(مامس) جۇيەسى جۇزەگە اسىرىلا باستادى. ءمامس جۇيەسى جارنا مولشەرىنە قاراماستان, بارلىق ساقتاندىرىلعان ادامدارعا قىزمەتتەر پاكەتى تەڭدەي قولجەتىمدى بولۋىنا نەگىزدەلگەن. ياعني, مۇمكىندىگىنە قاراي تولەم جاساعان ءار ازاماتقا جەتىنە قاراي, ءمامس بويىنشا كومەك الۋ ۇشىن جۇگىنگەن كەزدە ەم بەرىلەدى, مەديتسينالىق قىزمەتتەردىڭ كولەمى مەن قۇنى شەكتەلمەيدى.بارلىق مەديتسينالىق قىزمەتتەردى مەملەكەتتىك جانە جەكەمەنشىك كلينيكالاردا الۋعا بولادى. تەك ءبىر عانا شارت – مەديتسينالىق ۇيىم امسق دەرەك قورىندا بولۋى جانە الەۋمەتتىك مەديتسينالىق ساقتاندىرۋ بويىنشا قىزمەتتەر كورسەتۋى ءتيىس.