• RUB:
    6.68
  • USD:
    520.93
  • EUR:
    609.07
باستى سايتقا ءوتۋ
وقيعا 29 ءساۋىر, 2021

كارىز قاقپاقتارىن ۇرلاعان تاكسي جۇرگىزۋشىسى ۇستالدى

134 رەت
كورسەتىلدى

نۇر-سۇلتاندا كارىز قاقپاقتارىن ۇرلاعان تاكسي جۇرگىزۋشىسى ۇستالدى, دەپ حابارلايدى Egemen.kz.

پوليتسيا دەپارتامەنتىنىڭ مالىمەتىنشە, تاياۋدا عانا جەكە كاسىپورىن س-316 كوشەسىندە كارىز قاقپاقتارىن ورناتۋعا باعىتتالعان جول جۇمىستارىن جۇرگىزگەن. ال جولاۋشىلار تاسىمالداۋمەن اينالىساتىن كۇدىكتى تۇنگى ۋاقىتتا اتالعان كوشەمەن ءوتىپ بارا جاتىپ, 7 جاڭا قاقپاقتى ۇرلاپ كەتكەن. كۇدىكتى جۇرگىزىپ جۇرگەن كولىگىن جالعا العاندىعى بەلگىلى بولعان.

«ەر ادام ۇرلانعان كارىز قاقپاقتارىن بولشەكتەپ, مەتالل قابىلداۋ پۋنكتىنە 9 مىڭ تەڭگەگە ساتىپ جىبەرگەن. قاقپاقتاردى ساتىپ الۋشىنى قىلمىستىق جاۋاپكەرشىلىككە تارتۋ جانە ونى ۇرلانعان مەتاللدى ساتىپ الۋشى رەتىندە ەسەپكە الۋ ماسەلەسى شەشىلىپ جاتىر. سونىمەن قاتار ونىڭ قىزمەتىنىڭ دە زاڭدىلىعى تەكسەرىلۋدە. قازىرگى ۋاقىتتا قر قك 188-بابىمەن تەرگەۋ امالدارى جۇرگىزىلۋدە», دەپ اتاپ ءوتتى پوليتسيا دەپارتامەنتى.

ۆەدومستۆو مالىمەتىنشە, ءساۋىردىڭ 27-29 ارالىعىندا ەلوردا اۋماعىندا «قۇقىقتىق ءتارتىپ» الدىن الۋ ءىس-شاراسى وتكىزىلىپ جاتىر. ءىس-شارا قوعامدىق ءتارتىپتى قامتاماسىز ەتۋ, كوشەلەر مەن قوعامدىق ورىنداردا قىلمىستىڭ الدىن الۋ جانە جولىن كەسۋ ماقساتىندا ۇيىمداستىرىلعان.

نۇر-سۇلتان قالالىق پد كريمينالدىق پوليتسيا باسقارماسىنىڭ باستىعى دميتري دەميدوۆتىڭ ايتۋىنشا, ءىس-شارا وتكىزىلگەن ەكى كۇننىڭ ىشىندە قالا اۋماعىندا 67 مەتالل قابىلداۋ پۋنكتى تەكسەرىلگەن.

سوڭعى جاڭالىقتار