قر پرەمەر-ءمينيسترى اسقار مامين Arcelor Mittal اتقارۋشى توراعاسى لاكشمي ميتتالمەن كەزدەسۋ وتكىزدىدەپ حابارلايدى Egemen.kz ۇكىمەت ءۇيىنىڭ ءباسپاسوز قىزمەتىنە سىلتەمە جاساپ.
ل. ميتتال ۇكىمەت باسشىسىنا كومپانيانىڭ قازاقستانداعى قىزمەتىن ودان ءارى دامىتۋ جوسپارلارىن تانىستىردى.
ا. مامين تىرشىلىكتى قامتاماسىز ەتۋ بويىنشا ءوندىرىس پەن ينفراقۇرىلىمدى جاڭعىرتۋ, زاماناۋي ەكولوگيالىق تازا تەحنولوگيالاردى ەنگىزۋ, الەۋمەتتىك جوبالاردى ىسكە اسىرۋ, دەنساۋلىق ساقتاۋ جانە ەڭبەك قاۋىپسىزدىگى سالالارىندا جوعارى ستاندارتتاردىڭ ساقتالۋىن قامتاماسىز ەتۋ جونىندەگى Arcelor Mittal ءىس-شارالارىن وتكىزۋدىڭ ماڭىزدىلىعىن اتاپ ءوتتى.
«ارسەلور ميتتال تەمىرتاۋ» اق – قاراعاندى وبلىسىنداعى ءىرى مەتاللۋرگيالىق كاسىپورىن. 30 مىڭنان استام قازاقستاندىق كومپانيانىڭ مەتاللۋرگيا, كومىر جانە تەمىر كەنى بولىمشەلەرىندە جۇمىس ىستەيدى. كاسىپورىن ونىمدەرىنىڭ 80%-عا جۋىعى الەمنىڭ 75 ەلىنە ەكسپورتتالادى.
كەزدەسۋگە قر پرەمەر-ءمينيسترىنىڭ ورىنباسارى رومان سكليار, قاراعاندى وبلىسىنىڭ اكىمى جەڭىس قاسىمبەك, يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ, ەكولوگيا, گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ, سونداي-اق قر قارجى مينيسترلىگىنىڭ مەملەكەتتىك كىرىستەر كوميتەتىنىڭ توراعاسى مارات سۇلتانعازيەۆ قاتىستى.