قازاقستان حالقى اسسامبلەياسى ەل تۇراقتىلىعىنىڭ كەپىلدىگىنە اينالدى

اسا مارتەبەلى قازاقستان رەسپۋبليكاسىنىڭ تۇڭعىش پرەزيدەنتى, 

تۇركى الەمىنىڭ اقساقالى جانە دانىشپان كوشباسشىسى, 

اسا قۇرمەتتى نۇرسۇلتان نازارباەۆ!

بيىل قازاقستان تاۋەلسىزدىگىنىڭ 30 جىلدىق مەرەيتويىن اتاپ وتۋدە. وسى ۋاقىت ىشىندە ءسىز باسقارعان قازاقستان ىشكى تۇراقتىلىعىن ورناتا وتىرىپ, مەملەكەتتىك قۇرىلىسىن اياقتاپ قانا قويماي, سونىمەن بىرگە قوعامنىڭ بارلىق سالالارىندا, اسىرەسە ەكونوميكادا سەرپىلىس جاسادى. ءسىزدىڭ اتىڭىزبەن اتالاتىن جاڭا استانا ۇلى دالانىڭ كىندىگىندە بوي كوتەردى. ءسىز نەگىزىن قالاعان قازاقستان حالىق اسسامبلەياسى ەل تۇراقتىلىعىنىڭ كەپىلدىگىنە اينالدى.

بۇعان قوسا, قازاقستان حالىقارالىق قوعامداستىقتىڭ بەدەلدى مۇشەسىنە اينالدى. قازىرگى كەزەڭدە قازاقستان – يادرولىق قارۋسىزدانۋدان تەرروريزمگە قارسى كۇرەس, ايماقتىق ينتەگراتسيادان كولىك دالىزدەرىنە دەيىنگى كوپتەگەن سالالاردا جاۋاپكەرشىلىكتى ءوز موينىنا الاتىن سيرەك ەلدەردىڭ ءبىرى. ازياداعى ءوزارا ىقپالداستىق جانە سەنىم شارالارى كەڭەسى حالىقارالىق ۇيىم بولۋ جولىندا جىلجۋدا.

تۇركى الەمى اياسىندا ءسىز جۇرگىزگەن تۇراقتى جانە دايەكتى ساياساتتىڭ ارقاسىندا تۇركى مەملەكەتتەرىنىڭ ىنتىماقتاستىعى بۇگىندە حالىقارالىق ۇيىم دەڭگەيىندە ينستيتۋتتاندىرىلدى. اتاپ ايتقاندا, تۇركى مەملەكەتتەر ۇيىمى, حالىقارالىق تۇركى اكادەمياسى, تۇركپا – ءسىزدىڭ تىكەلەي باستاماڭىزبەن قۇرىلعان قۇرىلىمدار. قازاقستان سيريا ماسەلەسىن شەشۋگە ارنالعان «استانا پروتسەسىن» وتكىزۋ ارقىلى تاياۋ شىعىس ايماعىنداعى بەيبىتشىلىككە دە ۇلەس قوسۋدا.

وسى ۋاقىت ىشىندە تۇركيا-قازاقستان قاتىناستارى دا قارقىندى دامىپ, باۋىرلاستىق بايلانىستارعا نەگىزدەلگەن ەكى ەل ىنتىماقتاستىعى ستراتەگيالىق ارىپتەستىك دەڭگەيىنە كوتەرىلدى. ءبىزدىڭ ەلدەرىمىز ءبىلىم بەرۋدەن باستاپ عىلىمعا دەيىن, ەكونوميكادان ونەركاسىپكە دەيىن كوپتەگەن سالالاردا ىنتىماقتاسادى. اسىرەسە, ءبىزدىڭ پارلامەنتارالىق قارىم-قاتىناسىمىز وتە كۇشتى ەرىك-جىگەرمەن جالعاسىن تابۋدا. ءبىز قازاقستاننىڭ ءاربىر باستاماسىن قولداۋعا جانە باۋىرلاستىق قارىم-قاتىناسىمىزدى نىعايتۋعا ارقاشان دايىنبىز.

قازاقستاننىڭ وسى 30 جىلدىق جەتىستىكتەرى, شىن مانىندە, ءسىزدىڭ جەتىستىكتەرىڭىز بولىپ تابىلادى. وسى ورايلى ءساتتى پايدالانا وتىرىپ, ەڭ الدىمەن, ءسىزدى قۇتتىقتاۋعا رۇقسات ەتىڭىز. سىزگە زور دەنساۋلىق پەن ۇزاق ءومىر, ال باۋىرلاس ەل قازاقستان ماڭگى جاساۋىن شىن ىنتا-پەيىلىمىزبەن تىلەيمىز.

تۇركيا ۇلى ۇلتتىق ءماجىلىسى

تۇركيا–قازاقستان دوستىق توبى دەپۋتاتتارى:

1. مەحمەت ءالي جەۆحەري (توراعا) شانلىۋرفا پروۆينتسياسى;

2. ايحان ەرەلين اكساراي پروۆينتسياسى;

3. يرفان كارتال ۆان پروۆينتسياسى ;

4. ەركان اكچاي مانيسا پروۆينتسياسى ;

5. يسمايل ۋچما ىستانبۇل پروۆينتسياسى:

6. فيكرەت شاحين بالىكەسىر پروۆينتسياسى.