الماتى قالاسىندا ءبىر تاۋلىكتە 5958 ادام ىندەتكە قارسى ۆاكتسينا سالدىردى, دەپ حابارلايدى Egemen.kz
«27 ءساۋىر كۇنى 5958 الماتىلىق ۆاكتسينا سالدىردى, ونىڭ ىشىندە 1700 ادام «QazVac» ۆاكتسيناسىن الدى», دەپ حابارلادى قالالىق قوعامدىق دەنساۋلىق ساقتاۋ باسقارماسىنىڭ ءباسپاسوز قىزمەتىنەن.
بيىلعى جىلدىڭ 1 اقپانى مەن 27 ءساۋىرى ارالىعىندا بارلىعى 194 106 ادامعا ەكپە سالىندى.
«سپۋتنيك-V» ۆاكتسيناسىنىڭ 2 كومپونەنتىن 39 041 ادام العان. بۇگىندە قالادا 210 پۋنكت جۇمىس ىستەپ تۇر. 1 197 ادامنان تۇراتىن 308 ەگۋ بريگاداسى بار. سونىمەن قاتار 50 كوشپەلى ءموبيلدى بريگادا ۇيىمداستىرىلدى. 27 ءساۋىر كۇنى قالاعا «سپۋتنيك-V» ۆاكتسيناسىنىڭ 57 895 دوزاسى جەتكىزىلدى.