نۇر-سۇلتان قالاسىنىڭ اكىمى التاي كولگىنوۆ Instagram پاراقشاسىندا ەۆەرەستكە شىققان ماريا اۋەزوۆامەن جانە ونىڭ كومانداسىمەن كەزدەسكەنىن ايتا كەلە, جاقىندا ءالپينيستىڭ اياعىنا پروتەز الۋ ارمانى ورىندالاتىنىن ءمالىم ەتتى, دەپ حابارلايدى Egemen.kz.
«ەۆەرەستتى باعىندىرعان ەلوردامىزدىڭ تۇرعىنى ماريا اۋەزوۆانىڭ وقيعاسىن ەستىگەن شىعارسىز. ماريا – ەرەكشە قاجەتتىلىگى بار قايسار تۇلعا. ول 5364 م بيىكتىككە كوتەرىلدى. بۇل ماقساتقا جەتۋگە وعان جولداسى مەن جاتتىقتىرۋشىسى كومەكتەستى.
نازىك ماريا – رۋحى مىقتى ايەل, ول بىزگە ۇلگى! ماريامەن جانە ونىڭ كومانداسىمەن, جۇبايىمەن جانە جاتتىقتىرۋشىسىمەن كەزدەستىم. ول شىڭدى باعىندىرۋ ءساتى, الداعى جوسپارلارى تۋرالى ايتتى.
ماريانىڭ ارمانى – اياققا تۇرىپ, ساپالى اياق پروتەزدەرىن الۋ. ءبىز ونىڭ ارمانىن ورىندايمىز!» دەپ جازدى ەلوردا اكىمى.