قولما-قول اقشا اينالىسى دەپارتامەنتىنىڭ ديرەكتورى جومارت قاجىمۇراتوۆ كوللەكتسيالىق مونەتالاردىڭ باعاسى نەگە بىردەي ەمەس ەكەنىن ءتۇسىندىردى, دەپ حابارلايدى Egemen.kz.
جومارت قاجىمۇراتوۆتىڭ ايتۋىنشا, مونەتانىڭ باعاسى ەكى قۇرامداس بولىكتەن تۇرادى. ورتاشا ەسەپپەن التىن مونەتالاردىڭ 85%, كۇمىس مونەتالاردىڭ 52%-عا دەيىنگى باعاسى باعالى مەتالدىڭ باعاسىنا بايلانىستى قالىپتاسادى. مونەتانى دايىنداپ, وراۋعا كەتەتىن شىعىندار التىن مونەتا باعاسىنىڭ 15%, كۇمىس مونەتا باعاسىنىڭ 48% قۇرايدى.
«مونەتالاردىڭ قۇنى كۇن سايىن لوندونداعى باعالى مەتالدار نارىعى قاۋىمداستىعىنىڭ تاڭعى فيكسينگىنە (باعا بەلگىلەۋىنە) سايكەس ۇلتتىق ۆاليۋتانىڭ الدىڭعى جۇمىس كۇنىندەگى اقش دوللارىنىڭ رەسمي باعامى بويىنشا تەڭگەمەن يندەكستەلەتىنىن اتاپ وتكىم كەلەدى. مىنە, سوندىقتان دا, كوللەكتسيالىق مونەتالاردىڭ باعاسى كۇن سايىن وزگەرىپ تۇرادى, بىردە قىمباتتاسا, بىردە ارزاندايدى. ۇلتتىق بانك مونەتالاردىڭ ساتىلىمىنان پايدا تابۋدى كوزدەمەيدى», دەدى ول.
وسى ورايدا ول كوللەكتسيالىق مونەتالاردى شىعارۋداعى ماقساتتى ايتىپ ءوتتى.
«ورتالىق بانك ەلىمىزدىڭ مادەني جانە تاريحي مۇراسىن ساقتاپ, ونى دامىتۋعا ۇلەس قوسىپ, ماڭىزدى جەتىستىكتەر مەن ايرىقشا وقيعالارعا عاسىرلىق عۇمىر بەرە وتىرىپ اعارتۋشىلىق ماقساتتا كوللەكتسيالىق مونەتالاردى شىعارادى», دەدى دەپارتامەنت ديرەكتورى.