ايتىلدى-ورىندالدى: پەداگوگيكا ماماندىقتارىنا تالاپ كۇشەيتىلدى

بەرىك ءۋالي ۇلتتىق قوعامدىق سەنىم كەڭەسىنىڭ 3-وتىرىسىندا پەداگوگ ماماندىعىنا وقيتىن ستۋدەنتتەردىڭ شاكىرتاقىسىن كوتەرۋ تۋرالى تاپسىرما بەرىلگەنىن ەسكە سالدى.

«پەداگوگيكا ماماندىقتارىنا تۇسۋگە قويىلاتىن تالاپتاردى كەزەڭ-كەزەڭىمەن ارتتىرۋ قاجەت. ماماندىقتىڭ بەدەلىن بيىكتەتۋ ماقساتىندا بولاشاق ۇستازداردىڭ شاكىرتاقىسىن 26 مىڭنان 42 مىڭ تەڭگەگە دەيىن كوتەرۋ كەرەك», دەدى مەملەكەت باسشىسى.

جازبادا پەداگوگ مارتەبەسىن كوتەرۋ باعىتىندا اتقارىلعان وزگە دە يگى ىستەر تۋرالى مالىمەت بەرىلگەن. اتاپ ايتساق, پەداگوگيكالىق باعىت بويىنشا وقۋعا ءتۇسۋ ءۇشىن ۇبت-نىڭ شەكتى بالى 60-تان 70-كە كوتەرىلگەنى, شاكىرتاقىنى ارتتىرۋ ءۇشىن 2020-2023 جىلدارعا رەسپۋبليكالىق بيۋدجەتتەن 17,6 ملرد تەڭگە بولىنگەنى, دوكتورانتتاردىڭ شاكىرتاقىسى 104 498 تەڭگەدەن 150 مىڭ تەڭگەگە ارتقانى ناقتى كورسەتىلگەن.