امەريكا قۇراما شتاتتارىنىڭ اۋعان جەرىندەگى اسكەري كونتينگەنتى اۋعانستاندا ورنالاسقان كەيبىر اقش اسكەري بازالارىن ەۆاكۋاتسيالاۋعا دايىندىقتى باستادى. بۇل تۋرالى جەكسەنبىدە اقش پەن ناتو-نىڭ اۋعانستانداعى قولباسشىسى گەنەرال-لەيتەنانت سكوتت ميللەر مالىمدەدى, دەپ حابارلايدى Egemen.kz «تاسس» اگەنتتىگىنە سىلتەمە جاساپ.
«كەيبىر بازالاردى كوشىرۋ جۇمىستارى باستالىپ كەتتى. اقش بارلىق اسكەري بازالارىن اۋعان ارمياسىنا تاپسىرادى. ەگەر تاليبان اقش اسكەري كۇشىنە نەمەسە كەز كەلگەن كواليتسيا كۇشتەرىنە شابۋىل جاسايتىن بولسا, ءبىز وعان ناقتى جاۋاپ بەرەمىز», دەدى سكوتت ميللەر. بۇل پىكىر Hama Press اۋعان اگەنتتىگى جاريالاعان اقپاراتتا جازىلدى.
اگەنتتىكتىڭ حابارلاۋىنشا, امەريكا قۇراما شتاتتارى الداعى ەكى اپتا ىشىندە ءۇش بازانى جانە كانداگار پروۆينتسياسىنداعى اسكەري اۋەجايدى اۋعانستان جاعىنا وتكىزبەكشى.