اۆتوكولىك العىسى كەلگەن قازاقستاندىقتار كوڭىلى قالاعان بانك نەمەسە كولىك سالونىنا بارىپ, كەزەككە تۇرا الادى. الايدا قىزمەتتەردىڭ بارلىعى جاپپاي ونلاينعا كوشىپ جاتقان ۋاقىتتا بانك بولىمشەسىنە بارىپ ءجۇرۋدىڭ ءوزى ۋاقىت الادى. ءارى COVID-19 پاندەمياسىنىڭ قايتا اسقىنا باستاۋى دا ادامدار كوپ شوعىرلانعان جەرلەردەن اۋلاق ءجۇرۋدى تالاپ ەتەدى. وسىعان وراي ەلىمىزدە «اۆتو كەزەك» ونلاين قىزمەتى ىسكە قوسىلدى.
قازاقستان دامۋ بانكىنىڭ حابارلاۋىنشا, وتاندىق ءاۆتووندىرىستى قولداۋ باعدارلاماسى اياسىندا ازاماتتار جەڭىلدەتىلگەن اۆتونەسيەگە بەرگەن ءوتىنىمىن ونلاين تۇردە باقىلاپ وتىرا الادى. ازىرگە «اۆتو كەزەك» ونلاين قىزمەتىن ءۇش بانك – ForteBank, Halyk Bank جانە «ۆتب بانك (قازاقستان)» ۇسىنىپ وتىر.
2019 جىلى ناۋرىز ايىندا 13 مىڭنان استام قازاقستاندىق 57,4 ملرد تەڭگەگە اۆتونەسيە راسىمدەسە, 2020 جىلى ءساۋىر ايىندا ولاردىڭ سانى 20 مىڭنان اسىپ, زايم كولەمى 98,05 ملرد تەڭگەگە جەتكەن. 2021 جىل باستالعالى التى بانك 140 ملرد تەڭگەگە جۋىق قاراجاتتى اۆتونەسيە اياسىندا بەرىپ ۇلگەردى.
«باعدارلامانى قارجىلاندىرۋ ءۇشىن جىل سايىن وتە كوپ كولەمدە قارجى ءبولىنىپ جاتىر. ەل تۇرعىندارى اسا بەلسەندى تۇردە ءوتىنىم قالدىرۋدا. سونىڭ سالدارىنان ازاماتتار ءوز كەزەگىن ايلاپ كۇتۋگە ءماجبۇر. ءوتىنىم مارتەبەسىن تەكسەرىپ وتىرۋ ونلاين قىزمەتى ىسكە قوسىلعاننان كەيىن اۆتونەسيەنى الۋ پروتسەسى الدەقايدا جەڭىلدەي جانە اشىق بولا ءتۇستى. ءوتىنىم قالدىرۋ ەش قيىن ەمەس. ول ءۇشىن ءوزىڭىز ءوتىنىم قالدىرعان ەكىنشى دەڭگەيلى بانكتىڭ رەسمي سايتىنا كىرىپ, «اۆتو كەزەك» نەمەسە «اۆتونەسيەلەۋ» بولىمىندە جەكە دەرەكتەرىڭىزدى (جسن نەمەسە تەلەفون ءنومىرىن) ەنگىزۋ جەتكىلىكتى.
قازاقستان دامۋ بانكى 2015 جىلدان بەرى جەڭىلدەتىلگەن اۆتونەسيە باعدارلاماسىنىڭ وپەراتورى بولىپ جۇمىس ىستەپ كەلە جاتىر. باعدارلاما باستالعالى بەرى بانك 82 ملرد تەڭگە جىبەرگەن.