ۋىل وندىرۋشىلەرىنىڭ قارىزدارىن كەپىلدەندىرۋ جانە ساقتاندىرۋدىڭ ءتيىمدى جۇيەسىن قۇرۋ دا وزەكتى ماسەلە. بۇل تۋرالى جازىلبەك قۋانىشباەۆتىڭ 125 جىلدىعىنا ارنالعان «قازاقستاننىڭ قوي شارۋاشىلىعى: وتكەنى, بۇگىنى جانە كەلەشەگى» تاقىرىبىنداعى كونفەرەنتسيادا قر مەملەكەتتىك حاتشىسى قىرىمبەك كوشەرباەۆ ايتتى, دەپ حابارلايدى Egemen.kz
«الەمدىك وركەنيەتتىڭ بارلىق قۇندىلىقتارى, ەكونوميكالىق جانە مادەني بايلىقتار ۆيرتۋالدى قارجى ينستيتۋتتارىمەن ەمەس ادامنىڭ ەڭبەگىمەن جاسالادى. سوندىقتان الەۋمەتتىك جاڭعىرتۋ ساياساتىنىڭ نەگىزىنە شىنايى وندىرىستىك ەڭبەكتىڭ قويىلۋى وتە ورىندى. اتا-بابالارىمىز ەلدىڭ كوسەگەسى ەڭبەكپەن كوگەرەتىندىگىن, ەڭبەك ارقىلى عانا ۇشپاققا شىعۋعا بولاتىندىعىن ۇرپاعىنا امانات رەتىندە ايتىپ كەتكەنى بەلگىلى. حالىقتىڭ ءال-اۋقاتى جاقسارۋى ءۇشىن ەڭ اۋەلى سانالى, ەڭبەكقور, كاسىپ پەن باسەكەگە بەيىم ۇرپاق تاربيەلەۋىمىز قاجەت. بۇل ءۇشىن ادىلەتتىلىك قاعيداتتارىن العا شىعارۋ كەرەك. ەڭبەك سىڭىرۋدەن باستاپ, ماراپات بەرۋگە دەيىن مەملەكەت قانا ەمەس, قوعامنىڭ دا كوزقاراسى ءادىل بولعانى دۇرىس. ەڭ باستىسى وتانداستارىمىزدىڭ ساناسىنا ەڭبەكتىڭ قادىرى مەن كاسىپقويلىق رۋحىن سىڭىرۋگە ءتيىسپىز. ادام وزىنە, ءوزىنىڭ كۇش-جىگەرىنە, بىلىمىنە سەنىپ, ەرىنبەي ەڭبەك ەتكەندە عانا شىنايى باقىتقا, مول داۋلەتكە جەتە الاتىندىعىن ۇعىندىرۋىمىز كەرەك. سونداي-اق ازاماتتاردىڭ بويىنا سونداي سەنىم ۇيالاتا الۋىمىز قاجەت», دەدى مەملەكەتتىك حاتشى.
مەملەكەتتىك حاتشىنىڭ ايتۋىنشا, ەڭبەك كۇشىن جاڭا تەحنولوگيالارمەن ۇشتاستىرا ءبىلۋ دە زامان تالابى.
«قازىرگى تاڭدا قازاقستاننىڭ اگروونەركاىپ كەشەنىن يننوۆاتسيالىق باعىتقا تۇسىرە ءبىلۋ وتە ماڭىزدى. بۇل ءبىزدىڭ ءداستۇرلى سالامىز. دۇنيەدە ازىق-ت ۇلىككە دەگەن قاجەتتىلىك ارتا بەرەدى. بۇل سەكتورعا ينۆەستيتسيا كوبىرەك سالىنادى. سوندىقتان بۇگىنگى فەرمەلەر ۋاقىتشا ءارى اۋا رايىنا بايلانىستى كەزدەيسوق جەتىستىكتەرگە مالدانىپ قالماي, وندىرىستىك ءوسىم جونىندە ويلانۋعا ءتيىس», دەدى ول.
مەملەكەتتىك حاتشى جاھاندىق اۋىل شارۋاشىلىعى وندىرىسىندە باسەگە وسە بەرەتىندىگىن, جەرمەن جۇمىس ىستەيتىندەر ەڭ الدىمەن جاڭا تەحنولوگيالاردى ەنگىزىپ, ونىمدىلىكتى ۇزدىكسىز ارتتىرىپ, جۇمىسىن الەمدىك ستاندارتتار نەگىزىندە جۇرگىزۋى كەرەكتىگىن باسا ايتتى.
«سوندىقتان مەملەكەت باسشىسى قاسىم-جومارت توقاەۆ اتاپ وتكەندەي, بولاشاق اگرارلىق سەكتوردا, اسىرەسە شاعىن جانە ورتا بيزنەس تۇرىندەگى جاڭا وڭدەۋ كاسىپورىندارى جەلىسىن قۇرۋدا. بۇل تۇستا ءبىز بيزنەستى نەسيە ارقىلى قولداۋعا ءتيىسپىز. فەرمەرلەر ۇزاقمەرزىمدى قارجىلاندىرۋ مەن وتكىزۋ نارىقتارىنا دەلدالسىز تىكەلە شىعا الاتىن بولۋى ءتيىس. اۋىل وندىرۋشىلەرىنىڭ قارىزدارىن كەپىلدەندىرۋ جانە ساقتاندىرۋدىڭ ءتيىمدى جۇيەسىن قۇرۋ دا وزەكتى ماسەلە», دەدى قىرىمبەك كوشەرباەۆ.