بۇگىن ءماجىلىس سپيكەرى نۇرلان نىعماتۋليننىڭ توراعالىعىمەن پالاتا بيۋروسى ءوتىپ, وندا الداعى جالپى وتىرىستىڭ كۇن ءتارتىبى ناقتىلاندى, دەپ حابارلايدى Egemen.kz.
بيۋرو وتىرىسىندا دەپۋتاتتاردىڭ باستاماسىمەن ازىرلەنگەن الەۋمەتتىك كاسىپكەرلىكتى دامىتۋ ماسەلەلەر تۋرالى زاڭ جوباسى I وقىلىمدا قاراۋ ۇسىنىلدى.
اتالعان زاڭ جوباسى ەلىمىزدەگى الەۋمەتتىك كاسىپكەرلىكتى دامىتۋدىڭ تەتىكتەرىن زاڭنامالىق رەتتەۋ جانە جۇيەلەندىرۋ ماقساتىندا ازىرلەندى.
سونداي-اق, الداعى جالپى وتىرىستا سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى سالىق كودەكسىنە زاڭنامالىق تۇزەتۋلەردى ەنگىزەتىن زاڭ جوباسى I وقىلىمدا قارالماق.
سونىمەن قاتار, دەپۋتاتتار نازارىنا بىرقاتار راتيفيكاتسيالىق زاڭ جوبالارىن قاراۋ ۇسىنىلدى. ولار: قازاقستان مەن ازەربايجان اراسىنداعى كوشى-قون سالاسىنداعى ىنتىماقتاستىققا قاتىستى كەلىسىم جانە ەۋرازيالىق ەكونوميكالىق وداق تۋرالى شارتقا وزگەرىستەر ەنگىزۋ تۋرالى حاتتاما.