«بولاشاق» باعدارلاماسى بويىنشا كونكۋرسقا قۇجاتتاردى قابىلداۋ 4 مامىر كۇنى باستالىپ, 28 قازانعا دەيىن جالعاسادى. بۇل تۋرالى ءبىلىم جانە عىلىم ءمينيسترىنىڭ ورىنباسارى ميراس داۋلەنوۆ ورتالىق كوممۋنيكاتسيالار قىزمەتىندە وتكەن ءباسپاسوز كونفەرەنتسياسىندا ايتتى, دەپ حابارلايدى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ.
«بولاشاق» باعدارلاماسى بويىنشا كونكۋرسقا قۇجاتتاردى قابىلداۋ 4 مامىر كۇنى باستالىپ, 28 قازانعا دەيىن جالعاسادى. ستيپەنديالار ءۇش كەزەڭدە – ماۋسىم, تامىز جانە قاراشا ايلارىندا تاعايىندالادى. باعدارلامانىڭ ەرەكشە جاڭاشىلدىعى نەگىزگى دايىندىق جۇمىستارى جۇرگىزىلدى. ستيپەنديالاردى بەرۋدى ءۇش كەزەڭدە: ماۋسىم, تامىز جانە قاراشا ايلارىندا جۇرگىزۋ جوسپارلانۋدا», دەدى ميراس داۋلەنوۆ.
ميراس داۋلەنوۆتىڭ ايتۋىنشا, 2021 جىلعا ارنالعان تىزبەدە اكادەميالىق وقىتۋعا ارنالعان 80 ماماندىق پەن تاعىلىمدامادان وتۋگە ارنالعان 137 ماماندىق قاراستىرىلعان. ونىڭ ىشىندە ينكليۋزيۆتى ءبىلىم بەرۋ, ۆيرۋسولوگيا, ۋربانيستيكا, جاڭا ماتەريالدار تەحنولوگياسى سياقتى تىڭ باعىتتار بار.
ماماندىقتار جەتى باعىت بويىنشا بولىنگەن: يننوۆاتسيالار جانە جاڭا تەحنولوگيالار, يندۋستريالىق ينجەنەريا, جاراتىلىستانۋ عىلىمدارى, الەۋمەتتىك عىلىمدار, ءبىلىم بەرۋ, مەديتسينا جانە كرەاتيۆتى يندۋستريا. ۆيتسە-مينيستر بيىل «بولاشاق» باعدارلاماسىنا 1055 ستيپەنديا بولىنگەنىن, ونىڭ 500-ءى عالىمداردىڭ تاعىلىمدامالارىنا ارنالعانىن اتاپ ءوتتى.
«شەتەلدىك جوعارى وقۋ ورىندارىنىڭ, وقۋعا ۇسىنىلاتىن شەتەلدىك ۇيىمداردىڭ ءتىزىمى ساپالىق جانە ساندىق جاعىنان وزگەردى. بيىل تىزىمگە ءۇش حالىقارالىق اكادەميالىق رەيتينگكە كىرەتىن 27 ەلدىڭ 207 جوعارى وقۋ ورنى كىردى», دەدى ميراس داۋلەنوۆ.
مينيسترلىك وكىلى بيىل العاش رەت «بولاشاق» حالىقارالىق ستيپەندياسىنا قۇجاتتاردى قابىلداۋ جانە كونكۋرستىق ىرىكتەۋ پروتسەستەرى تولىعىمەن اۆتوماتتاندىرىلعانىن ەسكە سالدى. ال ىرىكتەۋ كەزەڭدەرىنىڭ سانى التىدان ۇشكە دەيىن قىسقارتىلىپ وتىر. ىرىكتەۋ تۋرلارى كەشەندى تەستىلەۋ, تاۋەلسىز ساراپتاما كوميسسياسىنىڭ مۇشەلەرىمەن جەكە اڭگىمەلەسۋ, شەتەلدە كادرلار دايارلاۋ جونىندەگى رەسپۋبليكالىق كوميسسيانىڭ وتىرىسىندا قۇجاتتاردى قاراۋ سياقتى كەزەڭدەردەن تۇرادى.