پەتروپاۆلدىڭ الەۋمەتتىك جەلىلەردى قولدانۋشىلارى قالانىڭ شەت اۋداندارىنىڭ بىرىندە توقتاپ تۇرعان «KIA» اۆتوكولىگىنە تاس لاقتىرىپ, وقيعا ورنىنان قاشىپ بارا جاتقان ادامدى ءبىرازدان بەرى تالقىلاعان, دەپ حابارلايدى Egemen.kz
كولىك يەسى وزىنە 1 ميلليون تەڭگەنىڭ شىعىنى كەلتىرىلگەنىن ايتىپ, پوليتسياعا جۇگىنگەن.
پوليتسيا ءبولىمىنىڭ جەدەل ۋاكىلدەرى اۋەسقوي بەينەجازبادان كۇدىكتىنى انىقتادى. الايدا ول تىركەلگەن جەرىنە كەلمەي, بىرنەشە كۇن بويى جاسىرىنىپ ءجۇردى. اقىرى ول كەشە ۇستالىپ, ءوز كىناسىن مويىندادى. 26 جاستاعى قالا تۇرعىنىنا زاقىم كەلتىرىلگەن كولىكتىڭ يەسى بۇرىن جۇمىس بەرگەن ەكەن. اراسىنداعى كيكىلجىڭ سودان باستالعان سياقتى. «اۆتوكولىكتى زاقىمداۋ فاكتىسى قىلمىستىق كودەكسىنىڭ 202-بابى «بوتەننىڭ مۇلكىن قاساقانا جويۋ نەمەسە ءبۇلدىرۋ» بويىنشا سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىنە ەنگىزىلدى.