ءماجىلىس دەپۋتاتى ەرلان سمايىلوۆ ۇكىمەتكە مۇگەدەك جانداردىڭ زەينەتكە شىعۋ جاسىن تومەندەتۋدى ۇسىندى, دەپ حابارلايدى Egemen.kz.
ەلىمىزدە مۇگەدەكتىگى بار 600 مىڭنان استام ادامنىڭ (ەرەسەك) اراسىندا جۇمىس ىستەيتىندەردىڭ سانى 85472 ادامدى قۇرايدى.
«جۇمىسپەن قامتىلعانداردىڭ باسىم بولىگى 3-ءشى توپتاعى مۇگەدەكتەر, ولاردىڭ سانى-62012 ادام, ەكىنشى توپتاعى مۇگەدەكتەر -18467 ادام, ءبىرىنشى توپتاعىلار-2393. ولاردىڭ ىشىندە ەر ادامدار-51744, ايەل ادامدار-33750», دەدى سمايىلوۆ.
الايدا مۇمكىدىگى شەكتەۋلى جانداردىڭ زەينەت جاسىن تومەندەتۋ ماسەلەسى ءالى دە وزەكتىلىگىن جوعالتقان جوق. وسىعان وراي ءبىر توپ ءماجىلىس دەپۋتاتى پرەمەر-ءمينيستردىڭ ورىنباسارى ەرالى توعجانوۆقا ۇسىنىستارىن جەتكىزدى.
«ۇكىمەت مۇگەدەكتىگى بار ادامدار ءۇشىن زەينەت جاسىن تومەندەتۋدى; جاۋاپتى وكىلەتتىلىكتەر مۇگەدەك ادامداردىڭ زەينەت جاسىن تومەندەتۋدىڭ ناقتى ولشەمدەرىن ازىرلەۋىن; سونداي-اق مۇمكىندىگى شەكتەۋلى ادامداردىڭ مۇددەلەرىنە ساي كەلەتىن زەينەتاقىمەن قامسىزداندىرۋ تەتىگىن قۇراستىرۋدى; ەڭبەك جانە الەۋمەتتىك قورعاۋ مينيسترلىگى ستراتەگيالىق جوسپارلاۋ جانە رەفورمالار جونىندەگى اگەنتتىگىنىڭ ۇلتتىق ستاتيستيكا بيۋروسى مۇگەدەك ادامدار تۋرالى ستاتيستيكالىق دەرەكتەردى ازىرلەۋىن سۇرايمىز», دەدى دەپۋتات ەرلان سمايىلوۆ.
گاۋحار قاپاش