ۇلىبريتانيادا كۇيەۋى توڭازىتقىشتا ساقتالعان چيپcتەردى كەزدەيسوق ەرىتىپ العان ايەلىن ءولتىرىپ, دەنەسىن بولشەكتەپ تاستادى, دەپ حابارلايدى Egemen.kz Daily Mirror باسىلىمىنا سىلتەمە جاساپ.
قىلمىس وتكەن جىلدىڭ 23 مامىرىندا ستوكپورتتا جاسالعان. 49 جاستاعى توماس ماككانن 46 جاستاعى ايەلى يۆونمەن جانجالداسقان.
ەرلى-زايىپتىلاردىڭ ۇلى اتا-انالارىن تاتۋلاستىرماق بولىپ, ولاردى وتباسىلىق جيىنعا شاقىرعان. الايدا توماس نيەت بىلدىرگەنمەن, ايەلى تاتۋلاسۋدان باس تارتقان.
ناتيجەسىندە, بەس ساعاتتان كەيىن كۇيەۋى جيىنعا جالعىز بارعان. كەيىن بەلگىلى بولعانداي, وسى ۋاقىت ارالىعىندا ول ايەلىن ءولتىرىپ, دەنەسىن بولشەكتەپ, جەرگىلىكتى ساياباقتا قوقىس سالىنعان پاكەتتەرگە جاسىرعان. سودان كەيىن كۇيەۋى قاساقانا ايەلىنىڭ اتىنان دوستارى مەن تۋىستارىنا حابارلامالار جولداعان. ءتىپتى ءوز تەلەفونىنان ايەلىنەن كەشىرىم سۇراپ, sms جولداعان.
ەكى كۇننەن كەيىن ايەل دەنەسىنىڭ بولىكتەرى سالىنعان بۋمالار تابىلىپ, يۆوننانى ءولتىردى دەگەن كۇدىكپەن كۇيەۋى بىردەن قاماۋعا الىنعان. توماس ءوز قىلمىسىن مويىندادى.
ايتا كەتەيىك, ەرلى-زايىپتىلار 24 جىل ءبىر شاڭىراق استىندا تۇرعان.