پرەزيدەنت ستراتەگيالىق جوسپارلاۋ جانە رەفورمالار اگەنتتىگىنىڭ توراعاسى قايرات كەلىمبەتوۆتى قابىلدادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
كەزدەسۋ بارىسىندا 21 ءساۋىر كۇنى وتەتىن رەفورمالار جونىندەگى جوعارعى كەڭەستىڭ بەسىنشى وتىرىسىنىڭ كۇن تارتىبىندەگى ماسەلەلەر تالقىلاندى.
اتاپ ايتقاندا, ۇلتتىق جوبالاردى, ونىڭ ىشىندە, تسيفرلاندىرۋ جانە اگروونەركاسىپ كەشەنىن دامىتۋ سالالارىنداعى باعدارلامالاردى ازىرلەۋ تاسىلدەرى قارالدى. مەملەكەت باسشىسىنا الەۋمەتتىك كودەكسكە جانە «جاڭادان» رەتتەۋ تەتىكتەرىنە قاتىستى ۇسىنىستار تۋرالى اقپارات بەرىلدى.
كەزدەسۋ سوڭىندا قاسىم-جومارت توقاەۆ قايرات كەلىمبەتوۆكە ۇلتتىق جوبالاردىڭ ءتىزىمىن جانە ولاردى قاراستىرۋ ءتارتىبىن پىسىقتاۋعا قاتىستى بىرقاتار تاپسىرما بەردى.