كەيدە جول-كولىك وقيعالارىن ادەپسىز نەمەسە جاۋاپكەرشىلىگى تومەن جۇرگىزۋشىلەر دە جاسايدى.
ماسەلەن, كوكشەتاۋ — چيستوپولە باعىتىنداعى اۆتوجولدا 22 جاسار «ويىنقۇمار» جۇرگىزۋشى «Toyota Previa» كولىگىمەن كەلە جاتىپ جىلدامدىعىن 60 شاقىرىمعا دەيىن ءتۇسىرىپ, ارتىنان وزىپ كەتپەكشى بولعاندارعا قاساقانا جولدى جاۋىپ, كەدەرگى كەلتىرگەن. ارتىنداعى ادام ونىڭ بۇل قىلىعىن بەينەروليككە ءتۇسىرىپ الىپ, Instagram جەلىسىنە سالىپ قويعان. بۇعان جول پاترۋلدەرى دە ارالاسىپ, اقىرىندا «ويىنقۇماردىڭ» كىم ەكەنىن انىقتادى.
ايىرتاۋ اۋدانىنىڭ پب جەرگىلىكتى پوليتسيا قىزمەتى بولىمشەسىنىڭ باستىعى, پوليتسيا پودپولكوۆنيگى باقىتجان جانتىلەۋوۆ وعان قاتىستى اكىمشىلىك قۇقىق بۇزۋشىلىق تۋرالى كودەكستىڭ 614-بابى - «كولىك قۇرالدارىنىڭ جۇرۋىنە كەدەرگى كەلتىرۋ» بويىنشا حاتتاما تولتىرىلعانىن جەتكىزدى. ەندى جول ءتارتىبىن ويىنشىق كورگەن «قالجىڭقوي» كەم دەگەندە سوت شەشىمىمەن ايىپپۇل تولەيتىن بولادى.