سوڭعى اقپاراتتارعا سايكەس, الماتىدا 2021 جىلدىڭ 17 ءساۋىر كۇنى جاعداي بويىنشا كوروناۆيرۋستىق ينفەكتسيانىڭ 677 جاڭا جاعدايى تىركەلدى, ونىڭ 577-ءى سيمپتومدىق بەلگىلەرى بار جانە 120 سيمپتومسىز سىرقاتتار, دەپ حابارلايدى Egemen.kz.
ءبىر تاۋلىك ىشىندە اۋرۋحانالارعا 392 ناۋقاس قابىلداندى, بارلىق ستاتسيوناردان كەشەلى بەرى 198 ناۋقاس ەمدەلىپ شىقتى.
بارلىق ينفەكتسيالىق ستاتسيونارلاردا (6 060 توسەك-ورىن) 3 868 ادام (101 بالا) ەمدەلىپ جاتىر, ونىڭ ىشىندە ەرەسەكتەر اراسىندا جاعدايى اسا اۋىر – 883, اۋىرلىعى ورتاشا دارەجەدە – 2 983 ادام بار. رەانيماتسيا جانە قارقىندى تەراپيا بولىمشەلەرىندە 258 (بوس توسەك-ورىن سانى – 192) پاتسيەنت جاتىر. 6 328 ناۋقاس امبۋلاتوريالىق باقىلاۋدا, ونىڭ ىشىندە 5 522 ناۋقاستا جەڭىل جانە ورتاشا دارەجەدەگى سيمپتومدىق بەلگىلەرى بار..
الماتى قالاسىندا سوڭعى ءبىر تاۋلىكتە 5 335 ادام ۆاكتسينا الدى. بۇگىنگى تاڭدا 203 ۆاكتسيناتسيا پۋنكتى جۇمىس ىستەيدى, 406 ۆاكتسيناتسيا بريگاداسىندا 1 809 مەديتسينا قىزمەتكەرى جۇمىلدىرىلدى.