كوروناۆيرۋستان سوڭ كوپتەگەن ادامدار دەپرەسسياعا ۇشىراي باستادى, دەپ حابارلايدى Egemen.kz 24.kz سايتىنا سىلتەمە جاساپ.
ەكونوميكالىق ىنتىماقتاستىق جانە دامۋ ۇيىمى ساراپشىلارىنىڭ مالىمەتى بويىنشا سوڭعى ءبىر جىلدا الەمنىڭ 60 پروتسەنت ەلىندە بۇل وزەكتى ماسەلەگە اينالدى.جاھاندى جايلاعان جۇمىسسىزدىق, اۋرۋدان قورقۋ, ادامداردىڭ جاقىندارىنان ايىرىلۋى مەن ءماجبۇرلى وقشاۋلانۋ حالىقتىڭ پسيحيكالىق جاعدايىنىڭ كۇرت ناشارلاۋىنا اكەلىپ سوققان. ماسەلەن, زەرتتەۋلەرگە سايكەس, اقش پەن ۇلىبريتانيادا دەپرەسسياعا ۇشىراعانداردىڭ قاتارى 3 ەسەگە كوبەيسە, وڭتۇستىك كورەيا تۇرعىندارىنىڭ تەڭ جارتىسىندا جۇيكە جۇيەسىنىڭ سىر بەرۋى بايقالعان. عالىمداردىڭ ايتۋىنشا, جاعىمسىز پسيحولوگيالىق جاعدايلارعا تاپ بولعانداردىڭ اراسىندا قارجى قىسپاعىندا قالعاندار, جاستار مەن ايەلدەر كوپ. ەندى ساراپشىلار الەم ەلدەرىن پسيحيكالىق دەنساۋلىق ماسەلەسىنە باسا نازار اۋدارۋعا شاقىرادى. ال دارىگەرلەر سپورتپەن شۇعىلدانىپ, الەۋمەتتىك قارىم-قاتىناستى جاقسارتۋعا كەڭەس بەرەدى.مامانداردىڭ ايتۋىنشا, دەپرەسسيالىق اۋرۋلاردى ەمدەۋ ۇزاق ۋاقىتتى قاجەت ەتەدى.
- ەڭ قيىنى, ناۋقاستاردىڭ شاراسىز كۇيدە بولعانى. ءتىپتى ۇلىبريتانياداعى دارىگەرلەردىڭ 50 پروتسەنتىنىڭ كۇيزەلىسكە ۇشىراعانى بايقالدى. ءار بەسىنشى ناۋقاستا بۇل دياگنوز كلينيكالىق دالەلدەنگەن. مۇنداي دەرتكە شالدىققان ادامدار ءالى كۇنگە دەيىن تولىق ساۋىعا الماي وتىر, - دەيدى دارىگەر رەيچەل كلارك.