مارات مۇرات ۇلى احمەتجانوۆ قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى بولىپ تاعايىندالدى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
مەملەكەت باسشىسىنىڭ جارلىعىمەن مارات مۇرات ۇلى احمەتجانوۆ قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگىنىڭ (سىبايلاس جەمقورلىققا قارسى قىزمەتتىڭ) توراعاسى لاۋازىمىنا تاعايىندالدى.
مارات مۇرات ۇلى احمەتجانوۆ مەملەكەت باسشىسىنىڭ وكىمىمەن بۇعان دەيىن قىزمەت اتقارعان قازاقستان رەسپۋبليكاسى باس پروكۋرورىنىڭ ورىنباسارى لاۋازىمىنان بوساتىلدى.
سونداي-اق مەملەكەت باسشىسىنىڭ جارلىعىمەن سىبايلاس جەمقورلىققا قارسى ءىس-قيمىل اگەنتتىگىنىڭ بۇرىنعى توراعاسى اليك شپەكباەۆتىڭ قىزمەتىنەن بوساتىلعاندىعى تۋرالى جازعان بولاتىنبىز.