سولتۇستىك قازاقستان وبلىسىنىڭ كوكشەتاۋ تاۋىنىڭ سىلەمدەرىنەن ايىرتاۋ, يمانتاۋ سياقتى توبەلەرى كوپ اۋدان اۋماعىندا جەل گەنەراتورلارى 2021 جىلدان باستاپ ەلەكتر قۋاتىن بەرە باستايتىنى تۋرالى وبلىس اكىمى قۇمار اقساقالوۆ ەكى جىل بۇرىن جاريالاعان بولاتىن.
بۇل ىسكە Energo Trust جشس ينۆەستور بولاتىنى, 25 گەنەراتور ورناتاتىنى تۋرالى دا ناقتى ايتىلعان.
الايدا 2021 جىل باستالعانىنا ءتورت ايعا اياق باسقانىمەن ءالى كۇنگە گەنەراتوردىڭ جوبالىق-سمەتالىق قۇجاتتارى (جسق) جاسالماعان, ءتىپتى جەر ۋچاسكەسى دە ناقتى بەلگىلەنبەگەن. ارينە, ونىڭ سەبەبى كوپ, سونىڭ ىشىندە جامان ىندەتتىڭ كەسىرى دە تيگەنى انىق.
ال جۋىردا «قىزىلجار – ادالدىق الاڭىندا» وسى جوبا بويىنشا جۇمىستار جاندانا باستاعانى بەلگىلى بولدى. بىراق ەلەكتر قۋاتىن ءوندىرۋ ەكى جىلعا شەگەرىلىپ, 2023 جىلعا قالدىرىلىپتى. سوڭى ءساتتى بولسا وعان دا كونۋگە بولادى...
ەگەر بۇل جوبا تولىعىمەن ىسكە اسىپ كەتسە جىلىنا 50 مەگاۆاتت ەلەكتر قۋاتىن وندىرمەك. سالىستىرۋ ءۇشىن ايتار بولساق, قازىر ايىرتاۋ اۋدانى بار بولعانى 6-7 مۆت ەلەكتر قۋاتىن جۇمسايدى ەكەن. قالعانىن ساتىلىمعا شىعارسا وبلىس ەكونوميكاسىنىڭ قۋاتتىلىعى دا ارتا تۇسەر ەدى.
سولتۇستىك قازاقستان وبلىسى