پەتروپاۆلدىق زەينەتكەرلەرگە ينتەرنەت-الاياقتار قوڭىراۋ شالىپ, ابىگەرگە سالعان. قوڭىراۋ شالعان بيكەش ءۇي يەلەرىنىڭ اتى-جوندەرىن اتاپ امانداسقان سوڭ, ءوزىن بانك قىزمەتكەرىمىن دەپ تانىستىرىپ, جەكە مالىمەتتەرىن اتاۋدى سۇراعان. بانك كارتالارىڭىزدا كۇدىكتى بىرەۋلەر بۇزىپ كىرىپ, سىزدەردىڭ اتىڭىزعا نەسيە رەسىمدەپتى-مىس دەپ تۇسىندىرگەن.
ابىروي بولعاندا, زەينەتكەرلەر جاعدايدى تەز بولجاپ, بانك جولدىڭ ارعى بەتىندە ەكەندىگىن العا تارتىپ, تەز ارادا ءمان-جايدى انىقتاۋ ءۇشىن بانككە باراتىندىقتارىن ايتقان. بويجەتكەن بولسا, تەلەفون تۇتقاسىن بانك ءبولىمىنىڭ باسشىسىمىن دەپ تانىستىرعان ەر ادامعا بەرگەن. ەر ادام دا كارتا نومەرىن جانە ءۇش ساندى قۇپيا كودتى شۇعىل اتاۋلارىن سۇراعان, الايدا زەينەتكەرلەر كونبەگەن. ءسويتىپ, ولار زەينەتكەرلەردىڭ جەكە مالىمەتتەرىن الداپ الماقشى بولعان. ابىروي بولعاندا, زەينەتكەرلەر قىراعىلىق تانىتىپ, الاياقتارعا جەم بولعان جوق. قازىرگى ۋاقىتتا پوليتسەيلەر قاسكويدى انىقتاۋ ءۇشىن جەدەل-پروفيلاكتيكالىق ءىس-شارالار وتكىزۋدە.
جالپى بيىلعى جىلدىڭ وزىندە وبلىستا 211 ينتەرنەت-الاياقتىق تىركەلدى, ونىڭ 57-ءسى وندىرىسپەن اياقتالعان.