سقو-داعى اۋدان ورتالىعى مامليۋتكادان ءتورت جاستاعى بالاسىمەن پەتروپاۆلعا كەلگەن 45-كە كەلگەن تۇرعىن «ۆاز-21120» كولىگىمەن قارسىباعىتتاعى «Volkswagen Passat» ماشيناسىنا سوعىلعان. تەكسەرىس بارىسىندا ونىڭ جەڭىل دارەجەدەگى ىشىمدىك ىشكەندىگى انىقتالعان.
ءوزىنىڭ ايتۋى بويىنشا ول ەكى بوتەلكە سىرا ءىشىپتى. سونىڭ كەسىرىنەن جولدى باقىلاۋ قىراعىلىعى تومەندەگەن. ابىروي بولعاندا ەشكىم زارداپ شەككەن جوق, تەك كولىكتەرگە مەحانيكالىق زاقىم كەلتىرىلگەن. جالپى كەلتىرىلگەن شىعىن شامامەن 200 مىڭ تەڭگەدەن استام. جۇرگىزۋشىگە قاتىستى اكىمشىلىك قۇقىقبۇزۋشىلىق تۋرالى كودەكستىڭ 608-بابى بويىنشا ماتەريال جينالدى. ء«تورت جاستاعى بالا قالادان اناسى كەلىپ الىپ كەتكەنشە يۋۆەنالدىق پوليتسيانىڭ پوليتسيانىڭ قاراۋىندا بولدى. اۆتوماشينا ارنايى تۇراققا قويىلدى. جۇرگىزۋشىگە سوت شەشىمىمەن 20 تاۋلىككە قاماققا الۋ تۇرىندەگى جازا تاعايىندالدى. بۇدان باسقا, ول 7 جىلعا جۇرگىزۋ قۇقىعىنان ايىرىلدى, — دەيدى مامليۋت اۋدانىنىڭ پب باستىعى پوليتسيا پودپولكوۆنيگى سەرىك ءالجانوۆ.