قاراعاندى فارماتسەۆتيكالىق كەشەنى (قفك) 600 مىڭ دوزا كولەمىندە ۆاكتسينانىڭ العاشقى ءىرى پارتياسىن جەتكىزدى. سونداي-اق وسى ايدىڭ سوڭىنا دەيىن ۆاكتسينانىڭ قوسىمشا 900 مىڭ دوزاسىن جەتكىزۋ جوسپارلانىپ وتىر, دەپ حابارلايدى Egemen.kz فارماتسەۆتيكا كەشەنىنىڭ Telegram-داعى پاراقشاسىنا سىلتەمە جاساپ.
قاراعاندى فارماتسەۆتيكالىق كەشەنىندە ۆاكتسينا ءوندىرىسىنىڭ كولەمى ءساۋىر ايىندا 1,5 ميلليون دوزاعا جەتەدى.
«جالپى, قازاقستان اۋماعىندا «سپۋتنيك V» ۆاكتسيناسىنا تىركەۋدى العان كۇننەن باستاپ قاراعاندى فارماتسەۆتيكالىق كەشەنى اتالعان ۆاكتسينانىڭ 958 مىڭ دوزاسى ءوندىرىپ جەتكىزدى. سونداي-اق, رەسەيدە وندىرىلگەن «سپۋتنيك – V» ۆاكتسيناسىنىڭ 52 مىڭ دوزاسىن جەتكىزۋدى جۇزەگە اسىردى», دەلىنگەن حابارلامادا.
قفك مالىمدەۋىنشە, «سپۋتنيك V» ۆاكتسيناسىنىڭ ءوندىرىسى مەن جەتكىزىلۋى بەكىتىلگەن كەستەدەن ەرتە جۇزەگە اسىرىلىپ كەلەدى.
«قفك قىزمەتكەرلەرى پرەپاراتتى ءارى قاراي الىپ ءجۇرۋ - فارماكولوگيالىق قاداعالاۋ, ياعني ۇنامسىز قۇبىلىستاردى مونيتورينگىلەۋ, پاتسيەنتتەردىڭ ءوتىنىشى مەن شاعىمدارىن جيناۋ, تالداۋدى جۇزەگە اسىرادى», دەلىنگەن حابارلامادا.